काठमाडौं । नेपालमा कोरोना भाइरसबाट संक्रमित हुने बालबालिकाको संख्या ५४ हजार नाघेको छ । स्वास्थ्य तथा जनसंख्या मन्त्रालयको गुणस्तर मापन तथा नियमन महाशाखाका प्रमुख डाक्टर मदन उपाध्यायले हालसम्म ५४ हजार ४ सय ६० जना बालबालिकामा कोरोना संक्रमण पुष्टि भएको बताउनुभयो ।
यो तथ्यांक साउन १३ गतेसम्मको हो । पहिलो लहरमा २१ हजार ५ सय २३ जना बालबालिका संक्रमित हुदा दोस्रो लहरमा ३२ हजार ९ सय ३७ बालबालिका संक्रमित भएका छन् । डा. उपाध्यायले दोस्रो लहरमा संक्रमित भएका बालबालिकामध्ये २९ हजार ७ सय ७७ जना निको भएका छन् । कोरोना संक्रमणबाट पहिलो लहरमा ३८ र दोस्रो लहरमा ४३ जना गरी कुल ८१ जना बालबालिकाको मृत्यु भएको मन्त्रालयले जनाएको छ ।
प्रतिक्रिया दिनुहोस्