काठमाडौं, १७ असार । प्रधानमन्त्री केपी शर्मा ओलीले कोरोना भाइरसको रोकथाम र नियन्त्रणका लागि खोपको प्रबन्ध गरिएको बताउनुभयो ।
उहाँले नेपाल वायु सेवा निगमको ६४औं वर्षको प्रधानमन्त्री ओलीले खोपको प्रबन्ध निरन्तर अघि बढ्ने बताउनुभएको हो । सरकारको यस प्रयासले भविष्यमा नेपाल सामान्य जनजीवनमा फर्कने अपेक्षा समेत प्रधानमन्त्री ओलीले गर्नुभयो । प्रधानमन्त्री ओलीले यस महामारीले हाम्रो पर्यटन क्षेत्र अझ बढी प्रभावित बनेको र निर्धारित लक्ष्य प्राप्तिमा ठूलो ब्यवधान खडा भएको बताउनुभयो । प्रधानमन्त्री ओलीले देशले बहुआयामिक लाभका लागि जे–जस्ता योजना तयार गरी विकास र समृद्धिको बाटोमा आफूलाई अग्रसर बनाएको थियो त्यसमा आएको ब्यवधानले अर्थतन्त्रमा ठूलो क्षति भएको समेत बताउनुभयो । उहाँले तर यस महामारीलाई परास्त गर्ने हाम्रो निरन्तर प्रयासले यस्ता विपत्तिपूर्ण कहर रहिरहने छैनन् भन्ने आश्वस्त पार्नुभयो ।