मनाङ, १० असार
बाढी प्रभावित नासों गाउँपालिकाले आफ्नो नगरसभा बगरमा नै आयोजना गरेको छ । हालैको अविरल वर्षात्ले बाढी आउँदा गाउँपालिकाको भवन सहित कागजात बगाएको थियो । गाउँपालिका अध्यक्ष चन्द्र घलेले बगरमा नै आयोजित गाउँ सभामा नीति तथा कार्यक्रम प्रस्तुत गर्नुभएको छ । गाउँपालिकाको भवन बाढीले बगाए पनि समयमा नै नीति तथा कार्यक्रम ल्याएको उहाँले बताउनुभयो । उहाँले भन्नुभयो “गाउँपालिकाको विकास योजना भन्दा पनि विपद् र स्वास्थ्यलाई प्राथमिकता दिएको छ । यसैमा नीति तथा कार्यक्रम केन्द्रीत छ । ”

उपाध्यक्ष कमलामाया गुरुङले बाढी पीडितलाई सम्बोधन गर्ने नीति तथा कार्यक्रम तथा बजेट रहेको जानकारी दिनुभयो । उहाँले भन्नुभयो “गाउँपालिकाको भवन सहित कागजात बगाए पनि समयमै नीति तथा कार्यक्रम ल्याएका हौँ । ”

एक गाउँबाट अर्को गाउँमा जान नसक्ने अवस्थामा बगरमा नै गाउँसभा गरिएको प्रमुख प्रशासकीय अधिकृत विश्वबन्धु रेग्मीले जानकारी दिनुभयो । उहाँका अनुसार अधिकांश वडामा बाढीले क्षति पु¥याएको छ । सबैभन्दा कम क्षति वडा नं २ मा पु¥याएको जनाइएको छ । तालगाउँ, तिलिचे, ताजे, धारापानी, थोंचे लगायतका गाउँमा पूर्ण रुपमा क्षति पुगेको छ । अझै पनि मस्र्याङ्दी नदीमा बाढी आइरहेकोले विपद व्यवस्थापनका लागि बजेट व्यवस्थापन गर्नुपर्ने देखिएको छ । –––