काठमान्डौ जेठ २६
विश्वमा अलिलेसम्म कोरोनाविरुद्धका धेरै खोप परीक्षण गरिए र लगाइए पनि। ती खोप वयस्क र किशोरका लागि मात्र स्विकृत भएका थिए।
तर अब भने १२ वर्षमूनिका बालबालिका लागि खोपको परीक्षण गर्न थालिने भएको छ।

अमेरिकाको फाइजर कम्पनीले चाँडै आफूहरु १२ वर्ष मूनिका बालबालिकामा खोपको परीक्षण गर्ने बताएका छन।

कम्पनीले पहिलो चरणमा सीमित बालबालिकालाई फाइजरको अलगअलग डोज दिने तयारी पूरा गरेको पनि जनाएको छ।

यसका लागि चार देश(अमेरिका, फिनल्याण्ड, पोल्याण्ड र स्पेनमा ९० भन्दा बढी क्लिनिकल र ४ हजार ५ सय भन्दा बढी बालबालिकाको चयन गरिने भएको छ।

फाइजरले यसै साताबाट ५ देखि ११ वर्षका बालबालिकामा परीक्षण सुरु गर्ने बताएको छ। यो उमेर समूहका बालबालिकालाई १० माइक्रोग्रामको दुई डोज खोप दिने तयारी कम्पनीको छ। जो किशोर र वयस्कलाई दिइने डोजको एक तिहाइ हो।

फाइजरले ६ महिनामाथिकालाई पनि खोपको क्लिनिकल ट्रायल गर्ने तयारी गरेको छ। उसले ६ महिनादेखि ५ वर्षसम्मकालाई तीन माइक्रोग्रामको डोज दिने तयारी गरेको छ।

फाइजरका प्रवक्ताले सेप्टेम्बरसम्ममा यसको नतिजा आइपुग्ने बताए।

१२ वर्षभन्दा माथिकालाई भने यसअघि नै कम्पनीले प्रयोगको अनुमति दिइसकेको र वयस्कलाई दिइने डोज अर्थात ३० माइक्रोग्राम दिइँदै आएको जनाइएकोछ।