काठमाडौं, ६ जेठ । कोरोना भाइरसको सङ्क्रमण पुष्टि भएर उपचार गराइरहेकामध्ये आज (बिहीबार) बिहानसम्ममा एक लाखभन्दा बढी सङ्क्रमितको स्वास्थ्य अवस्था निक्कै खराब रहेको छ ।स्वास्थ्य अवस्था खराब रहेकाहरुको चिन्ताजनक अवस्थामा उपचार भइरहेको छ । विश्वमा कोरोना सङ्क्रमित एक करोड ६३ लाख १२ हजार सात सय १४ जनाको उपचार भइरहेको छ । उपचाररतमध्ये हालसम्म एक लाख एक सय २४ जनाको अवस्था गम्भीर रहेको हो ।
विश्वका विभिन्न मुलुकमध्ये सबैभन्दा धेरै भारतमा आठ हजार नौ सय ४४ जनाको अवस्था गम्भीर छ । त्यसपछि ब्राजिलमा आठ हजार तीन सय १८ र अमेरिकामा सात हजार छ सय ६१ जनाको स्वास्थ्य अवस्था निक्कै खराब रहेको छ । यी तीन मुलुकमा मात्रै २४ हजार नौ सय २३ सङ्क्रमितको अवस्था जटिल छ ।विश्वमा सङ्क्रमण पुष्टि भएकामध्ये १४ करोड ५७ लाख ८२ हजार सात सय १६ जनाको उपचार सम्भव भएको छ । उपचार सम्भव भएकाहरु कोरोनामुक्त हुँदै सामान्य जीवनमा फर्किएका छन् ।हालसम्म १६ करोड ५५ लाख २६ हजार दुई सय ४१ जनामा सङ्क्रमण पुष्टि भइसकेको छ । पछिल्लो २४ घण्टामा विश्वभर छ लाख ४० हजार छ सय ६८ जना नयाँ बिरामी थपिए ।

एकै दिन १२ हजार पाँच सय ९३ जनाको मृत्यु भयो । विश्वमा कोरोनाका कारण मृत्यु हुनेको सङ्ख्या ३४ लाख ३० हजार आठ सय ११ पुगेको छ ।कोरोनाका कारण सबैभन्दा बढी प्रभावित बनेको अमेरिकामा ५८ लाख ९९ हजार तीन सय ९१ जना सङ्क्रमित उपचाररत छन् । उपचार गराइरहेकामध्ये सात हजार छ सय ६१ जनाको स्वास्थ्य अवस्था निक्कै खराब छ ।

अमेरिकामा दुई करोड ७२ लाख ९७ हजार नौ सय १८ जना उपचारपछि निको भइसकेका छन् । हालसम्म तीन करोड ३७ लाख ९९ हजार दुई सय ३१ जनामा कोरोना यकिन भइसकेको छ । पछिल्लो २४ घण्टामा २७ हजार ७१ जना नयाँ बिरामी थपिए ।

एकै दिन छ सय नौ जना सङ्क्रमितको मृत्यु भयो । अमेरिकामा हालसम्म छ लाख एक हजार नौ सय २२ जनाको मृत्यु कोरोनाका कारण भइसकेको छ ।छिमेकी मुलुक भारतमा आठ हजार नौ सय ४४ जनाको अवस्था निक्कै गम्भीर छ । गम्भीर बिरामी रहेकामध्ये भारत विश्वकै पहिलो नम्बरमा रहेको मुलुक हो । तर कोरोनाबाट प्रभावित हुनेमध्ये विश्वको दोस्रो नम्बरमा छ ।

भारतमा अहिले ३१ लाख ३५ हजार पाँच सय ६६ सङ्क्रमितको उपचार भइरहेको छ । कोरोना पुष्टि भएकामध्ये दुई करोड २३ लाख ४८ हजार छ सय ८३ जना उपचारपछि निको भएका छन् ।जम्मा सङ्क्रमित सङ्ख्या दुई करोड ५७ लाख ७१ हजार चार सय पाँच पुगेको छ । २४ घण्टामा दुई करोड ७६ हजार दुई सय ६१ नयाँ बिरामी थपिए । यो सङ्ख्या अन्य मुलुकमा थपिएका नयाँ सङ्क्रमितको भन्दा अत्याधिक धेरै हो ।

एकै दिन भारतमा तीन हजार आठ सय ८० सङ्क्रमितको मृत्यु भयो । हालसम्म कोरोनाका कारण दुई लाख ८७ हजार एक सय ५६ जना भारतीय नागरिकको मृत्यु भइसकेको छ ।ब्राजिलमा गम्भीर अवस्थाका सङ्क्रमितको सङ्ख्या आठ हजार तीन सय १८ रहेको छ । स्वास्थ्य अवस्था खराब भएका सङ्क्रमित धेरै रहेकामध्ये विश्वकै दोस्रो नम्बरमा रहेको मुलुक ब्राजिल हो । कोरोनाबाट प्रभावित हुनेमध्ये विश्वको तेस्रो नम्बरमा छ ।

सङ्क्रमण पुष्टि भएकामध्ये १० लाख ४३ हजार दुई सय नौ जनाको उपचार भइरहेको छ । एक करोड ४३ लाख ३० हजार एक सय १८ जना उपचारपछि निको भएर घर फर्किएका छन् ।ब्राजिलमा हालसम्म एक करोड ५८ लाख १५ हजार एक सय ९१ जनामा कोरोना पुष्टि भइसकेको छ । एकै दिन ७९ हजार सात सय छ जना नयाँ बिरामी थपिए ।२४ घण्टाभित्र ब्राजिलमा दुई हजार चार सय ८५ जना सङ्क्रमितको मृत्यु भयो । हालसम्म मृत्यु हुने सङ्क्रमितको सङ्ख्या चार लाख ४१ हजार आठ सय ६४ पुगेको छ ।