नेपालगञ्ज, ३ जेठ । पछिल्लो २४ घण्टामा बाँके र लुम्बिनीमा कोरोनाबाट थप १५ जनाको मृत्यु भएको छ । कोभिड संक्रमित बिरामीहरुको उपचार भैरहेको बाँकेका दुई ठूला अस्पतालमा गएरातीदेखि सोमबार बिहान १० बजेसम्म थप एघार जनाको मृत्यु भएको हो ।

नेपालगञ्जस्थित भेरी अस्पतालमा र मेडिकल कलेजमा गरि थप एघार जना संक्रमितको मृत्यु भएको जिल्ला कोभिड १९ संकट व्यवस्थापन केन्द्रले जनाएको छ । मृत्यु हुनेहरुमा ठाकुरबाबा नगरपालिका–९ बर्दियाका २५ वर्षिय पुरुष, भिमदत्त नगरपालिका–३ कंचनपुरका ५५ वर्षिय पुरुष, तुलसिपुर उपमहानगरपालिका– १० दाङ्गकी ३८ वर्षिय महिला, मधुवन नगरपालिका–९ बर्दियाकी ७० वर्षिया महिला, पन्चपुरी नगरपालिका–६ सुर्खेतका ५९ वर्षिय पुरुष, बासगढि नगरपालिका–९ बर्दियाका ८० वर्षिय पुरुष, नेपालगञ्ज उपमहानगरपालिका– ६ बाँकेकी ४० वर्षिय महिला र कोहलपुर नगरपालिका–९ बाँकेका ४५ वर्षिया महिला रहेको जिल्ला कोभिड–१९ संकट व्यवस्थापन केन्द्र बाँकेका फोकल पर्सन तेज ओलीले बताउनुभयो ।

सोही प्रकारले तुलसीपुर दांगका ४८ वर्षिया महिला, खजुरा गापा ३ बाँकेका ६७ वर्षिया महिला र कैलारी गापा ५ कैलालीका ३८ वर्षिय पुरुषको पनि उपचारकै क्रममा मृत्यु भएको उहाँले बताउनुभयो ।कोरोना भाईरसका कारण बाँके जिल्लामा मृत्यु हुनेको संख्या २४० र बाँके जिल्लामा उपचार गर्न आई अन्य जिल्लाका कोरोना संक्रमितको निधन हुने संख्या १९२ पुगेको जिल्ला कोभिड–१९ संकट व्यवस्थापन केन्द्र बाँकेले जनाएको छ ।सो केन्द्रका अनुसार गत केही दिन यता आएर संक्रमित भेटिने क्रममा धेरै कमी आएपनि मृत्यु हुने क्रम भने कम भएको छैन । यसैबीच लुम्बिनी प्रादेशिक अस्पताल बुटवल र बुटवल धागो कारखानाको कोरोना अस्थायी अस्पतालमा उपचाररत चारजना कोरोना संक्रमितको मृत्यु भएको छ ।

चारमध्ये दुईजनाको लुम्बिनी प्रादेशिक अस्पतालको इमर्जेन्सी वार्डमा र दुईजनाको बुटवल धागो कारखानाको कोरोना विशेष आईसोलेसन अस्पतालमा मृत्यु भएको हो । अस्पतालका अनुसार वैशाख ३१ गते कोरोना संक्रमण पुष्टी भई जेठ २ गते अस्पतालको इमर्जेन्सी वार्डमा भर्ना भएका सैनामैना नगरपालिका १ का ३८ वर्षिय पुरुषको सोमबार बिहान ६.३० बजे मृत्यु भएको छ ।

त्यस्तै वैशाख २० गते इमर्जेन्सी वार्डमै भर्ना भएकी सिद्धार्थनगर नगरपालिका १३ की ६५ वर्षीया महिलाको सोमबार बिहान ६।४५ मा मृत्यु भएको अस्पतालका सूचना अधिकारी डा। विष्णु गौतमले बताउनु भयो । यस्तै वैशाख २३ गते कोरोना संक्रमण पुष्टी भएकी सैनामैना–१ की ७७ वर्षकी महिलाको जेठ २ गते दिउँसो १।३५ बजे मृत्यु भएको छ । उनी वैशाख ३० गते धागो कारखानाको कोभिड अस्थायी अस्पताल भर्ना भएकी थिइन् ।
यसैगरी वैशाख २८ गते कोरोनो संक्रमण देखिएका बुटवल–३ का ५६ वर्षका पुरुषको जेठ २ गते दिउँसो कोरोना अस्पताल बुटवलमा भर्ना भएकोमा सोही दिन आईतवार साँझ ७।५४ बजे मृत्यु भएको अस्पतालका प्रवक्ता गौतमले जानकारी दिनुभयो ।