काठमाडौं, २४ बैशाख । सत्तारुढ दल नेकपा एमालेमा देखिएको विवाद मिलाउन दोस्रो तहका नेताहरुबीच बालुवाटारमा वार्ता भएको छ। प्रधानमन्त्री तथा नेकपा एमालेका अध्यक्ष केपी शर्मा ओली र वरिष्ठ नेता माधवकुमार नेपाल समूहका नेताहरुबीच छलफल भएको हो।सहमतिका लागि छलफल भए पनि कुनै सहमति भने नभएको सहभागि एक नेताले बताए । बालुवाटारमा ४ बजेदेखि साँझ साढे ६ वजेसम्म वार्ता भएको थियो।नेपाल समूहबाट स्थायी कमिटी सदस्य योगेश भट्टराई, घनश्याम भुसाल, गोकर्ण विष्ट सहभागी हुनुभएको थियो । ओली समूहका तर्फबाट स्थायी कमिटी सदस्य सुवास नेम्वाङ, अर्थमन्त्री विष्णु पौडेल र प्रधानमन्त्रीका मुख्य सल्लाहकार विष्णु रिमाल सहभागी हुनुहुन्थ्यो। नेपाल समूहका तर्फबाट सुरेन्द्र पाण्डे पनि सहभागी हुने तय भए पनि बिरामी भएपछि सहभागी हुनुभएन । शनिबार फेरि छलफल गर्नेगरी आजको वार्ता सकिएको छ।
प्रतिक्रिया दिनुहोस्