काठमाडौं, १९ बैशाख । लुम्बिनी प्रदेशमा एकल बहुमतको सरकार बनाउने गृहकार्य सुरु भएको छ । मुख्यमन्त्री शंकर पोखरेलले राजीनामा दिएसंगै अब नया“ सरकार गठनको गृहकार्यमा नेकपा एमाले अघि सरेको हो । जनता समाजवादी पार्टीका ४ सांसद पदमुक्त भएसंगै लुम्बिनीमा नेकपा एमालेको एकल बहुमत पुगेको छ ।
लुम्बिनी प्रदेशका मुख्यमन्त्री पोखरेललाई आजै सपथ ग्रहण गराउने तयारी भइरहेको छ । प्रदेश प्रमुखले आजै नया“ सरकार गठनको आह्वान गर्ने र एमालेले बहुमत प्राप्त दलको हैसियतमा नाम पठाएपछि पोखरेलले मुख्यमन्त्री पदको सपथ ग्रहण गर्ने तयारी भइरहेको बुझिएको छ ।
यसअघि संविधानको धारा १६८ को उपधारा २ अनुसार मुख्यमन्त्री बन्नुभएका मुख्यमन्त्री पोखरेललाई अब संविधानको धारा १६८ को १ अनुसार एकल सरकार बनाउने बाटो खुलेको छ । आफूविरुद्धको अविश्वास प्रस्तावमा मतदान हुनुअघि नै आज विहान पोखरेलले मुख्यमन्त्री पदबाट राजीनामा दिनुभएको थियो । उहाको राजीनामा प्रदेश प्रमुख धर्मनाथ यादवले तत्कालै स्वीकृत गर्नुभएको हो । दाङ क्षेत्र नम्बर २ (क)बाट प्रदेशसभा निर्वाचनमा विजयी पोखरेल २०७४ फागुनमा मुख्यमन्त्री बन्नुभएको थियो । उहा“विरुद्ध नेपाली कांग्रेस, नेकपा (माओवादी केन्द्र) र जनता समाजवादी पार्टी (जसपा)ले अविश्वास प्रस्ताव दर्ता गरेका थिए । अविश्वासको प्रस्ताव आज दिउ“सो १ बजे प्रदेशसभामा छलफल हुने कार्यसूचि थियो ।
प्रतिक्रिया दिनुहोस्