नेपालगन्जस्थित भेरी अस्पतालका पछिल्लो ३६ घण्टामा परीक्षण गरिएका २८८ नमुनामध्ये २३३ मा कोरोना पोजिटिभ देखिएको छ । अस्पतालका अनुसार १३९ जना पुरुष र ९४ जना महिलामा कोरोना पुष्टि भएको हो । त्यस्तै पछिल्लो समय पोजिटिभिटी रेट पनि बढिरहेको अस्पतालले जनाएको छ । पछिल्लो समय गरिएको परीक्षणको पोजिटिभिटी रेट ८०.९ ५ देखिएको छ । त्यस्तै संक्रमण पुष्टि भएकामध्ये बाँकेका २०८, बर्दियाका १३, कैलालीका २, दाङका २ र अन्य जिल्लाबाट ८ जना रहेका छन् । पालिकाअनुसार नेपालगन्ज उपमहानगरपालिकाबाट मात्र १८२ जनामा संक्रमण पुष्टि भएको हो । उमेर समूहमा २० वर्षदेखि ५० वर्ष उमेर समूहका मात्र १७४ जना छन् जुन कुल संख्याको ७५ हुन आउँछ ।
कोभिड–१९ को दोस्रो लहरसँगै अस्पतालका स्वास्थ्यकर्मी तथा कर्मचारीमा पनि यसको संक्रमण उल्लेख्य रुपमा देखा परेको पनि अस्पतालले जनाएको छ । वैशाख १ गते यता ७३ जना कर्मचारीमा यसको संक्रमण पुष्टि भएको छ ।
जसमा महिला ४४ ९६०।३५०, पुरुष २७ ९३९।७५० रहेका छन् । संक्रमण पुष्टि हुनेमा नर्सिङ कर्मचारीहरु ३३ जना,सहायक कर्मचारी २२ जना, चिकित्सक ८ जना, प्यारामेडिक्स ८ जना र प्रशासनका कर्मचारी २ जना रहेका छन् ।