जापान, , ६ वैशाख । संचार तथा सुचना प्रविधि मन्त्री पार्वत गुरुङले जापान र नेपालको सम्बन्ध थप मैत्रीपूर्ण बनाउन नेपाली मिडीयाले भूमीका खेल्नुपर्ने बताउनुभएको छ । मातृभूमी सन्देश डटकमको ५ औं बार्षीक उत्सवको अवसरमा अनलाईनबाट शुभकामना दिदै मन्त्री गुरुङले दुई देशको सम्बन्ध थप मजबुद बनाउन प्रवासबाट संचालीत नेपाली मिडीयाले भूमिका खेल्नुपर्ने बताउनुभएको हो ।

जापानको टोकियोमा आयोजित कार्यक्रममा अनलाईनबाट जोडिनुभएका मन्त्री गुरुङले जापान र नेपालको सम्बन्ध पहिले देखि नै सुमधुर रहेकाले यसलाई थप शसक्त र मजबुद बनाउन नेपाली मिडियालाई आग्रह गर्नुभयो । जापान सूचना र प्रविधीमा निकै अगाडी रहेकाले मिडीयाले त्यसको उच्च प्रयोग गर्दै नेपाल र नेपाली समुदायलाई सत्य, तथ्य र बिश्वसनियतामा आधारित रही सुचना सम्प्रेषण गर्न सुझाव समेत दिनुभयो । मन्त्री गुरुङले सूचना र संचारको क्षेत्रमा जापानबाट संचालीत मिडीयाहरुलाई नेपाल सरकार र संचार मन्त्रालयले आवश्यक सहयोग गर्ने आश्वासन दिनुभयो ।

सोही कार्यक्रममा बोल्दै जापानका लागी नेपाली राजदुत प्रतिभा राणाले जापानका नेपाली मिडीयाले नेपाली समुदायलाई सूसुचित गर्न अग्र स्थानमा रहेर काम गरेको बताउनुभयो । उहाँले जापान सरकारबाट आउने सूचनालाई नेपाली भाषामा अनुबाद गरी नेपाली समुदायसम्म पुर्याउने र नेपालीका हरेक गतिविधीमा सहयोग गर्दै आएको जानकारी दिनुभयो । मातृसन्देश डटकमका निर्देशक बिजय थकालीको अध्यक्षता प्रधान सम्पादक शान्तकुमार पहरीको संचालनमा भएको क्यालेन्डर विमोचन तथा सम्मान कार्यक्रममा बिभिन्न संघसंस्थाका व्यक्तीहरुले शुभकामना मन्तव्य राखेका थिए ।