काठमाडौँ, २६ पुस । प्रधानमन्त्री केपी शर्मा ओलीले अहिले मुलुकमा स्थिरता छाएको दाबी गर्नुभएको छ । प्रतिनिधिसभाको हिउँदे अधिवेशन आह्वान हुने केही दिन पहिले मात्रै विघटनको सिफारिस गर्नुभएका उहाँले आफूलाई कसैले चाहेर पनि प्रधानमन्त्रीबाट हटाउन नसकेको दाबी गर्नुभएको हो ।

प्रधानमन्त्री ओलीले पुस ५ गते प्रतिनिधिसिभा विघटन गर्न सिफारिस गरेका गर्नुभएको थियो । उहाको सिफारिसको राष्ट्रपति विद्यादेवी भण्डारीले स्वीकृत गर्नुभएको थियो । सोही दिन नेकपाकै प्रतिनिधिसभाका ९० सांसदले प्रधानमन्त्रीविरुद्ध अविश्वासको प्रसस्ताव दर्ता गराएका थिए । प्रतिनिधिसभा विघटन गर्नुपर्नाको कारण आफूविरुद्ध अविश्वासको प्रस्ताव दर्ता भएको भनेर प्रधानमन्त्री ओलीले सार्वजनिक अभिव्यक्ति समेत दिनुभएको छ । प्रतिनिधिसभामा पुष्पकमल दाहाल प्रचण्ड, माधवकुमार नेपाल पक्षका सांसदहरूले ओलीविरुद्ध अविश्वासको प्रस्ताव दर्ता गराएका थिए । प्रधानमन्त्री ओलीले आफूसँग बहुमत रहेको दाबी गर्दै आउनुभएको छ । राष्ट्रिय सभाको आइतबारको बैठकमा सम्बोधन गर्दै प्रधानमन्त्रीले अहिलेको अवस्था स्थायित्वको रहेको दावी गर्नुभएको छ । उहाँले भन्नुभयो अहिले स्थिरता र स्थायित्वको स्थिति हो । कसैले चाहेर पनि प्रधानमन्त्री हटाउन सकेनन् । आफूलाई जनताले प्रधानमन्त्री बनाएको भन्दै उहाँले पदबाट राजीनामा दिएर जोसुकैलाई हस्तान्तरण गर्न नहुने जिकिर समेत गर्नुभयो । मुलुकमा ६र६ महिनामा प्रधानमन्त्री परिवर्तन गरेर अस्थिरता ल्याउन खोजिएको अवस्थालाई ताजा जनादेशको घोषणा गरेर रोकिदिएको ओलीको भनाइ थियो ।