काठमाडौं, १४ पुस । नेकपा प्रचण्ड–माधव समूहका अध्यक्ष पुष्पकमल दाहाल प्रचण्डले प्रधानमन्त्री केपी शर्मा ओली प्रतिक्रान्तिको गोटी बनेको आरोप लगाउनुभयो । संसद विघटनविरुद्ध निर्मम संघर्ष गर्नु परेपनि तयार रहेको भन्दै उहाले भन्नुभयो, ‘भोलि नै अर्को चरणको कार्यक्रमको तयारी गर्दैछौं । यो भन्दा अलि कडा । प्रधानमन्त्री वा अरु भ्रममा नबस्नुहोला । सिधासिधा कुरा हो, हामी अन्तिम समयसम्म लड्छौं ।’ संसद विघटनको विरोधमा नेकपाको प्रचण्ड–माधव समूहले काठमाडौंको भृकुटीमण्डपमा गरेको विरोधसभालाई सम्बोधन गर्दै प्रचण्डले अघि भने, ‘तपाईहरुले कति गर्न सक्ने हो, तयारी गरे हुन्छ । हामी छाड्ने वाला छैनौं ।’ हामी अन्तीम सम्म लड्छौ ।

प्रचण्ड ओली कम्युनिष्ट आदर्श, विधि, विधान र विचारमा स्खलित तथा निरंकुश भएको बताउनुभयो ‘ओली माक्र्सवाद, लेनिनवाद, कम्युनिष्ट विचार र विधि पद्धतिबाट स्खलित मानिस हो’, ओलीले भने, ‘ओली निरंकुश र तानाशाह हो, लोकतन्त्रवादी होइन । ’ प्रचण्डले मदन भण्डारीको एक समयको भाषण स्मरण गर्दै प्रतिगमनविरुद्धको आन्दोलन भत्केरु मात्र भएको र जन्ती आउन बाँकी नै रहेको चेतावनी दिनुभयो । ‘यो त भत्केरु मात्र आएकोहो, जन्ती आउन बाँकी नै छ । नेपाली जनता जागिसेकका जनता हुन्, लामो संघर्ष र बलिदान गरेर संघर्षको लामो युग पार गरेको नेपाली जनता हो’, उहाँले भन्नुभयो , ‘निरंशुकताका पक्षधरहरु हो तिमीहरुले जनता भनेको झुक्याएपछि झुक्किन्छ्,, ठगी गरेपछि ठगिन्छन् भन्ने नसोच । ढाई सय वर्ष पुरानो राजतन्त्र बढार्न सक्ने जनताले निरंशुकताका पूजारीलाई सजिलै फल्न सक्नेछन् ।’