काठमाडौं, १४ पुस। नेपाल कम्युनिष्ट पार्टीका अध्यक्ष तथा पूर्व प्रधानमन्त्री पुष्पकमल दाहाल प्रचण्डले प्रधानमन्त्री केपी शर्मा ओली लोकतन्त्र विरोधी, धर्म विरोधी भएको बताउनुभयो । ओलीले संसद विघटन गरेको विरोधमा आज राजधानीमा आयोजित नेकपाको सभामा सम्बोधन गर्ने क्रममा प्रचण्डले यस्तो बताउनु भएको हो। ओलीले संविधानमाथि इतिहासकै ठूलो प्रहार गरेको समेत उहाँले बताउनुभयो । प्रचण्डले कम्युनिष्ट आदर्श र विचारबाट स्खलित प्रतिनिधी भएको ओलीको प्रवृतिबाट प्रष्ट भएको बताउनुभयो। प्रचण्डले सर्वोच्च अदालतले संसद विघटनविरुद्ध परेको मुद्धामा उचित फैसला गर्ने दाबी समेत गर्नुभयो । प्रचण्डले केपी ओलीले विगतमा पनि सचिवालय बैठकमा आफूलाई बोल्न र गुनासो राख्न नदिएर तानाशाही प्रवृति देखाएको बताउनुभयो। प्रचण्डले पार्टी एकताको बेलामा भएको आलोपालो प्रधानमन्त्री बन्ने सहमति पनि आफूले भंग गर्नु आफ्नो गल्ती भएको बताउदै गल्ती भएको समेत बताउनुभयो ।
सर्वोच्चले संधिवानको भावना र मर्म बुझ्दैन भनेर सोच्नसमेत नसक्ने उहाको भनाइ थियो । प्रचण्डल ओली कम्युनिष्ट आदर्श, विधि, विधान र विचारमा स्खलित तथा निरंकुश भएको बताउनुभयो ‘ओली माक्र्सवाद, लेनिनवाद, कम्युनिष्ट विचार र विधि पद्धतिबाट स्खलित मानिस हो’, ओलीले भने, ‘ओली निरंकुश र तानाशाह हो, लोकतन्त्रवादी होइन । ’ प्रचण्डले मदन भण्डारीको एक समयको भाषण स्मरण गर्दै प्रतिगमनविरुद्धको आन्दोलन भत्केरु मात्र भएको र जन्ती आउन बाँकी नै रहेको चेतावनी दिनुभयो । ‘यो त भत्केरु मात्र आएकोहो, जन्ती आउन बाँकी नै छ । नेपाली जनता जागिसेकका जनता हुन्, लामो संघर्ष र बलिदान गरेर संघर्षको लामो युग पार गरेको नेपाली जनता हो’, उहाँले भन्नुभयो , ‘निरंशुकताका पक्षधरहरु हो तिमीहरुले जनता भनेको झुक्याएपछि झुक्किन्छ्,, ठगी गरेपछि ठगिन्छन् भन्ने नसोच । ढाई सय वर्ष पुरानो राजतन्त्र बढार्न सक्ने जनताले निरंशुकताका पूजारीलाई सजिलै फल्न सक्नेछन् ।’
प्रतिक्रिया दिनुहोस्