काठमाडौं, २९ मंसिर । चिनी मिल सञ्चालकले उखु खरिद गरेको लामो समयसम्म पनि भुक्तानी नदिएपछि सर्लाहीका उखु किसानहरु पुनः आन्दोलित बनेका छन् । चिनी मिल सञ्चालकबाट बक्यौता रकम उठाइदिन सरकारले गरेको बाचा पूरा नभएको भन्दै आजदेखि उनीहरुले काठमाडौंको माइतीघर मण्डलामा धर्ना दिन थालेका हुन् ।

गत वर्षको पुसमा मध्य तराईका उखु किसानहरु एकाएक माइतीघरमा आन्दोलन गर्नका लागि उर्लिए । कारण थियो, परिश्रम गरेर उत्पादन गरेको उखुको भुक्तानी नपाउनु । केही दिन चलेको आन्दोलन पुस १८ गते स्थगन भयो । पुस १८ मा सरकारी टोली र आन्दोलनमा उत्रिएका उखु किसानबीच सहमति भयो । सहमतिमा लेखिएको थियो, चिनी मिल सञ्चालकबाट बक्यौता रकम उठाइदिने । तर, सरकारी टोलीस“ग भएको सहमतिकै पनि एक वर्ष पुग्न लाग्दासमेत उखु किसानहरुले भुक्तानी पाएका छैनन् । सरकारले गरेको बाचा पूरा नभएको भन्दै आइतबारदेखि उनीहरुले पुनः काठमाडौंको माइतीघर मण्डलामा धर्ना दिन थालेका हुन् । उनीहरुले भएको सम्झौता कार्यान्वयन गर्न माग गरेका छन् । पहिलो चरणमा माइतीघर मण्डलामा शान्तिपूर्ण प्रदर्शन गर्ने र सरकारले आफूहरुलाई भुक्तानी नदिलाए कडा आन्दोलन गर्ने चेतावनीसमेत किसानहरुले दिएका छन् । यसपटक किसानको पूरै पैसा नपाउ“दासम्म आन्दोलन नरोक्ने उखु किसान संघर्ष समितिको भनाइ छ ।

मिश्रले तिहार अगाडि उद्योगमन्त्री लेखराज भट्टलाई भेट गरी स्मरणपत्र बुझाएर छठ पर्वसम्म भुक्तानी दिलाइदिन माग गरे पनि पैसा नआएकाले आफूहरु काठमाडौं आएर आन्दोलन गर्न बाध्य किसानहरुको भनाइ छ ।

यसअघि पनि किसानहरु कात्तिक २३ गते मिल सञ्चालकबाट उखुको रकम भुक्तानी गराउन माग गर्दै काठमाडौं आएका थिए । उनीहरुले २०७६ पुस १८ गते मन्त्रालयको उपस्थितिमा किसान र उद्योगीबीच भएको समझदारी कार्यान्वयन नभएको भन्दै उद्योगमन्त्री भट्टको ध्यानाकर्षण गराएका थिए । यसअघि किसानहरुको स्मरणपत्र बुझ्दै मन्त्री भट्टले उखु किसानहरुको सम्पूर्ण समस्या समाधान गर्ने आश्वासन दिनुभएको थियो । मन्त्री भट्टले उखु किसानका भुक्तानी नदिने चिनी मिलका मालिकलाई पक्राउ गर्नका लागि गृह मन्त्रालयमा परिपत्र गरिने र मिल सञ्चालकको जग्गा अथवा सम्पत्तिलाई बिक्री गरेर भए पनि भुक्तानी गराउन भूमि व्यवस्था मन्त्रालयमा जानकारी गराउने बताउनु भएको थियो ।

तर मन्त्री भट्टले गर्नु भएको वाचा अझै पुरा हुन सकेन, जसको कारण उखु किसान अझ प्रताडित बन्नु परेको छ । उद्योगीहरुबाट करिब ९० करोड रुपैया“ उठाउन बा“की रहेका उखु किसानहरुले अझै कति दिन सास्ती बेर्होनु पर्ने हो थाहा छैन । कृषिमा नवीनतम फड्को मार्ने सपना बा“डेको आफूलाई समाजवादी दाबी गर्ने सरकारले उखु किसानको समस्या सुल्झाउन नसक्नु कतै उद्योगी र विचौलियाको चंगुलमा फसेको त छैन भन्ने प्रश्न जन्माएको छ ।