काठमाडौं, १९ कात्तिक । देशभर ३ हजार ३०९ जनालाई कोरोना संक्रमण भएको छ । स्वास्थ्य तथा जनसंख्या मन्त्रालयको नियमित प्रेस ब्रिफिङमा प्रवक्ता प्रा.डा.जागेश्वर गौतमले ३ हजार ३०९ जनालाई कोरोना संक्रमित थपिएको जानकारी दिनुभयो ।
यो सँगै नेपालमा कोरोना संक्रमितको संख्या १ लाख ८२ हजार ९२३ रहेको छ । २४ घण्टामा ३ हजार ८४४ जना संक्रमणमुक्त भएपछि निको हुनेको संख्या १ लाख ४४ हजार ९७८ पुगेको छ ।
यस्तै,२४ घण्टामा काठमाडौं उपत्यकामा १ हजार ८७८ जना लाई कोरोना संक्रमण भएको छ । प्रवक्ता गौतमका अनुसार काठमाडौंमा १ हजार ५७०,भक्तपुरमा ११९ र ललितपुरमा १८९ जनालाई कोरोना पुष्टि भयो । यस्तै एकैदिन ३० संक्रमितको मृत्यु भएको छ । हालसम्म कोरोना संक्रमितको मृत्युको संख्या १ हजार ३४ पुगेको छ ।
प्रतिक्रिया दिनुहोस्