काठमाडौं, २७ असोज । नेपालमा कोरोना भाइरसको संक्रमण झन डरलाग्दो तवरले फैलिरहेको छ । जनस्वास्थ्यविद् तथा सङ्क्रामक रोग विज्ञहरुले नेपालमा कोरोना भाइरस सङ्क्रमण नियन्त्रण, नियमन तथा रोकथामका थप प्रभावकारी कदम नचालिए स्थिति जटिल बन्न सक्ने चेतावनी दिएका छन् ।
स्वास्थ्य तथा जनसंख्या मन्त्रालयले जारि गरेको तथ्यांकमा शनिबारको संक्रमण दर २५.९२ प्रतिशत रह्यो । नेपालको उक्त दर विश्वका कोरोना अति प्रभावित मुलुकहरु भन्दा वढि हो । मुलुकभर दैनिक पीसीआर परीक्षण गर्ने गरिएका मध्य १० प्रतिशत संक्रमित दर हुनुलाई नै समुदाय स्तरमा संक्रमण फैलिएको मानिन्छ तर नेपालको सन्दर्भमा प्रति दिन सरदर १८ देखि २० प्रतिशतको हाराहारीमा सक्रमणदेखि रहेको छ । जुन जनस्वास्थ्यका लागि सुखद संकेत नभएको जनस्वास्थ्य विज्ञहरु बताउछन् ।
नेपालमा संक्रमण नियन्त्रण तथा रोकथामका लागि लामो समय सम्म बन्दाबन्दी पनि गरियो । तर, संक्रमणको ग्रार्फ दिन प्रति दिन उकालो लागिरहेको छ । गत माघ ९ गते चीनबाट फर्किएका एक व्यक्तिमा पहिलो पटक नेपालमा कोरोना भाइरस सक्रमण पुष्टि भएकोमा त्यसको २६० दिनपछि अर्थात् झन्डै साढे आठ महिनामा कोरोना संक्रमितको एक लाख नाघेको छ । जनस्वास्थ्यको दृष्टिकोणबाट मुल्यांकन गर्दा संक्रमणको फैलावट रोक्ने अनेकन उपाय मध्ये एक बन्दाबन्दी रहेको हुदा पनि नेपालको सन्दर्भमा भने बन्दाबन्दीले संक्रमणको चेन ब्रेक गर्न कुनै सघाउ नपुगेको विज्ञहरुको दावि छ ।
बरु उल्टै गरिखाने बर्गले सास्ती खेप्नु परेको उनीहरुको तक छ । तर,स्वास्थ्य तथा जनसंख्या मन्त्रालयले भने बन्दाबन्दीले अन्य मुलुकमा जस्तो संक्रमण छिटो फैलिन नदिएर पछि धकेल्न मद्दत गरेको र जति अन्य मुलुकमा सुरुवात देखिनै भयावह अबस्था सृजना भएको त्यस्तो हुन नदिएर प्रसस्त तयारी गर्ने अबसर पाएको जनाएको छ ।
मुलुकभर संक्रमण वनमा लागेको डढेलो सरि फैलिरहेको छ । नेपालको पछिल्ले एक महिनाको तथ्यांक मापन गर्दा संक्रमणको जोखिम व्यापक रहेको मान्न सकिन्छ । अन्य मुलुकको तुलनामा नेपालमा संक्रमणको जोखिम अझै जटिल बन्दै गएको छ । गत भदौ २५ गते कुल सक्रमित ५० हजार ४६५ रहेको एक महिनाभित्रनै सक्रमितको संख्या दोबर भएको तथ्यांकले देखाएको छ ।
नेपाल कोभिड प्रभावित विश्वका २०० बढी मुलुक मध्ये ४० औं स्थानमा छ । नेपालले कोरोना संक्रमण सूरुवात भएको चीनलाई यसअघि नै उछिनिसकेको छ । नेपालमा कोरोना भाइरस शहरी क्षेत्र,घना बस्त, मानिसको चहलपहल बढी रहेको स्थानमा रहेको स्वास्थ्य मन्त्रालयले जारि गरेको तथयांकमा हेर्न सकिन्छ । उपत्यकाका तिनै जिल्ला, मोरङ, पर्सा, चितवन, रुपन्देहि अति प्रभावित जिल्लामा सुचिकृत छन् ।
अझ काठमाडौं उपत्यको अति प्रभावित जिल्लाको सुचिमा छ । काठमाडौं उपत्यकामा मात्र नेपालमा पहिचान भएका कुल संक्रमित मध्ये ३५ प्रतिशत संक्रमित रहेका तथ्यांक छ । यता दैनिक पुष्टि हुने संक्रमितको अनुपातमा उपत्यकामा मात्र ५० प्रतिशत भन्दा बढी रहेको छ । तर,सरकारले भने प्रभावकारी कन्ट्रयाक ट्रेसिङ संगै संक्रमित पहिचानमा कुनै तदारुकता देखाएको छैन् ।
तर, इपिडिमियोलोजी तथा सरुवा रोग नियन्त्रण महाशाखाले भने संक्रमित पहिचान गर्न पिसिआरलाई व्यापक बनाईएको तर कन्ट्रयाक ट्रेसिङ गर्ने सवालमा भने काठमाडौं उपत्यकामा ठूलो परिमाणमा संक्रमितहरु राष्ट्रसेवक कर्मचारीमा रहेको र उनिहरुको संसर्ग अन्यमानिसहरु संग नहुने हुदा तथ्यांकमा कम आएता पनि कन्ट्रयाक ट्रेसिङ भैरहेको बताएको छ ।
प्रतिक्रिया दिनुहोस्