जाजरकोट, २१ असोज । जाजरकोटको जुनिचाँदेमा यात्रुवाहक जीप दुर्घटना हुँदा सात जनाको मृत्यु भएको छ । सदरमुकाम खलङ्गाबाट आज बिहान गएका यात्रुवाहक जीप दिउँसो जुनीचाँदे को वडा नं १ काप्रा मा सडकबाट तल खोलामा खसेको प्रहरीले जनाएको छ ।
जाजरकोट प्रहरी प्रमुख किशोरकुमार श्रेष्ठका अनुसार दुर्घटनामा ७ जनाको मृत्यु भएको र एक जना घाइते भएको खवर आएको र दुर्घटनाको खवर आउने वित्तिकै प्रहरी घटना स्थलतर्फ गएको बताउनुभयो । प्रहरी घटनास्थलमा पुगेपछि घटनाको वस्स्तृत विवरण आउने उहाँको भनाई छ । जमा कतिजना सवार थिए भन्ने कुराको समेत जानकारी नआएको प्रहरी प्रमुख श्रेष्ठको भनाई छ ।
प्रतिक्रिया दिनुहोस्