Accuracy, Balance & Credibility

कोरोनाको जोखिम उच्च नै छ, अझै पूर्वानुमान गर्न सकिन्न –सरकारका प्रवक्ता ज्ञवाली

abc

काठमाडौं, १२ असोज । सरकारले नेपालमा कोरोनाको जोखिम अझै पूवार्नुमान गर्न सक्ने अवस्थामा नभएको बताएको छ । सरकारका प्रवक्ता तथा परराष्ट्रमन्त्री प्रदीप ज्ञवालीले नेपालमा कोरोना संक्रमण बढि रहेको र जोखिम कहिलेसम्म रहन्छ भन्ने पूर्वानुमान गर्न नसकिने बताउनुभयो । ‘नेपालमा निरन्तर संक्रमण बढिरहेको छ । कुनै विन्दुमा पुगेर हामी विस्तारै ओरालो लाग्न सुरु गर्छौं । संक्रमण नियन्त्रणको अवस्थामा जान्छ । अझै पूर्वानुमान गर्न सकिने अवस्था छैन’ मन्त्रिपरिषदको निर्णय सुनाउन आयोजित पत्रकार सम्मेलनमा उहाँले भन्नुभयो । सरकारले कोरोनाको जोखिम कम भएर नभई जीवन र जीविकाबीच सन्तुलनको आवश्यकताका कारणले धेरै क्षेत्र खुला गरेको मन्त्री ज्ञवालीले बताउनुभयो ।

‘यो बेला सबैको उच्चस्तरको सतर्कता, साथ र सहयोगको जरुररहेको समेत उहाँले बताउनुभयो । सर्वसाधारणले सरकारी आदेश निर्देशन र विज्ञको सुझाव मानेकै कारण नेपालमा कोरोनाको भयावह अवस्था आउन नपाएको भन्दै उहाले चाडपर्वको बेलामा थप सतर्क हुनुपर्ने बताउनुभयो । ‘यत्रो खुला सीमाना भएइको मुलुकमा जति भयावह हुन सक्थ्यो । त्यसमा जति जोखिम थियो, यसको तुलनामा कम नै छ’ मन्त्री ज्ञवालीले भन्नुभयो , ‘तर जोखिम उच्च नै छ ।

आगामी दिनमा चाडबाडको समय आउँदैछ । स्वास्थ्य सतर्कतालाई कहिँ कतै पनि कम नगर्नुहुन विज्ञको सुझाव मान्न आग्रह गर्न चाहन्छु ।’ उहाले भन्नुभयो । सरकारले काठमाडौंमा घरधनी र केही औद्योगिक प्रतिष्ठानले पीसीआर रिपोर्टका लागि सर्वसाधारणलाई बाध्य बनाएको भन्दै त्यस्तो नगर्न आग्रह गरेको छ । मन्त्री ज्ञवालीले स्वास्थ्य मन्त्रालय र विश्व स्वास्थ्य संगठनको मापदण्डविपरीत कसैलाई पनि पीसीआर परीक्षणका लागि बाध्य नबनाउन आग्रह गर्नुभएको हो । पीसीआर रिपोर्ट नभई धरधनीले डेरामा बस्नेलाई पस्न नदिएको र औद्योगिक प्रतिष्ठानले काम गर्न नदिएको सुन्नमा आएको भन्दै उहाले जबर्जस्ती पीसीआर परीक्षणका लागि बाध्य नपार्न आग्रह गर्नुभयो । ‘