म सरकारसंगै रहन्छु, देशको अर्थतन्त्र ठिक बाटोमा छ (एक्सकुलुसिभ भिडियो)



 

काठमाडौं २८ भदौं । निर्वतमान  अर्थमन्त्री डाक्टर युवराज खतिवडाले आफ्नो कार्यकालमा पारदर्शिताको विधि बसालेको बताउनुभएको छ । कर तथा भन्सार छल्नेहरुलाई कर प्रणालीमा आउन बाध्य पार्नेदेखि राज्यको फजुल खर्च र जहाँतहीँ जेसुकै आयोजना खडा गरेर बजेट छर्ने परम्पराको पनि अन्त्य गरेको उहाँको भनाई छ । २ वर्ष ६ महिनाको अर्थमन्त्रीको कार्यकाल सकेर निवर्तमान हुनुभएका अर्थमन्त्री डाक्टर युवराज खतिवडाले गतहप्ता राजिनामा दिनुभयो । उहाँले आफ्नो कार्यकालको समीक्षा गर्दै आर्थिक अनुशासन, सुशासन कायम गराउनको निम्ति आफूले महत्वपूर्ण भुमिका निर्वाह गरेको बताउनुभएको छ ।

उहाँले आफ्नो कार्यकालमा नीजि क्षेत्र र अन्तराष्ट्रिय समुदायको विश्वास जित्ने चुनौती रहेको भएपनि नीजि क्षेत्रलाई पनि वित्तिय अनुशासनमा ल्याउनुका साथै अन्तराष्ट्रिय समुदायको विश्वास जित्न र नेकपाले चुनावको बेलामा गरेको घोषणा अनुरुपको कार्यान्वयन गर्दै समाजवाद तर्फ जाँदैछौँ भन्ने झल्को दिनको निम्ति आधार तयार पारेको बताउनुभयो । देशमा आर्थिक वृद्धिदर बढिरहेको अवस्था भए पनि पछिल्ला महिनाहरुमा कोभिड १९ का कारण अर्थतन्त्रमा असर परेको छ ।

डा. खतिवडाले एबीसी टेलिभिजनका लागि अध्यक्ष तथा प्रधानसम्पादक शुभशंकर कंडेलसंग विशेष कुराकानी गर्दै कोभिड अन्त्यपछि आर्थिक वृद्धि हुने उहाँको विश्वास छ । देश समृद्धिको बाटोमै हिडिरहेको उहाँको भनाई छ । डा. खतिवडाले नेपालको अर्थतन्त्रमा देखा परेका विकृति र बिसंगति रोक्न आफुले भरमग्दुर प्रयास गरेको बताउनुभयो ।

विगतका दिनमा राजनीतिक दबाब सिर्जना गरेर अस्वस्थ व्यवसायिक प्रतिस्पर्धा गर्ने, राज्यको ढिकुटी दोहन गर्ने, कर तथा भन्सार छल्ने र मनलाग्दि रुपमा आफु अनुकुल विकास निर्माणका कामदेखि विभिन्न आयोजना खडा गरेर बजेट छर्ने परम्पराको अन्त्य गर्दै समग्र बजेट राष्ट्रिय हितका निम्ति लगाएको र यसको सकारात्मक प्रतिफल आगामी दिनमा देखापर्ने पूर्वमन्त्री खतिवडाको भनाई छ । निर्वतमान मन्त्री खतिवडाले आफूलई तीन वटा बजेट पेश गर्ने बेलासम्म अवसर दिने प्रधानमन्त्री, पार्टी अध्यक्ष तथा सबै नेताहरुलाई धन्यवाद दिनु भएको छ । खतिवडाले आफू कुनै न कुनै रुपमा सरकारसगै रहने पनि बताउनु भयो ।

 

    Comment Here!


सम्बन्धित समाचार

View All