काठमाडौं, १३ भदौ । नयाँ बानेश्वर स्थित मदन भण्डारी मेमोरियल कलेजले कोभिड–१९ पछिको विकासको बाटो’ शीर्षकमा वेविनार कार्यक्रम आयोजना गरेको थियो।

समृद्ध नेपाल निर्माणको लागि अहिलेको एक दशक सबै हिसाबले उपयुक्त भएकाले त्यसको सक्दो सदुपयोग गर्नुपर्ने राष्ट्रिय योजना आयोगका पूर्वउपाध्यक्ष डा स्वर्णिम वाग्लेले बताएका छन्। पूर्वउपाध्यक्ष डा. स्वर्णिम वाग्लेले नेपालमा २४ वर्ष उमेरमुनीका युवा जनसंख्या कूल जनसंख्याको करिब आधा रहेको र यही युवा पुस्तालाई सहभागी गराएर

देशलाई समृद्धितर्फ लैजान सकिने कुरा बताए ।नेपालले आगामी एक दशकभित्र पूरा गर्ने गरी मुख्यगरी तीन वटा लक्ष्य लिएको बताउँदै वाग्लेले भने, “नेपालले अल्पविकसित मुलुकको सूचीबाट माथि उक्लिने प्राविधिक योग्यता पूरा गरेको जानकारी पनि दिए ।

त्यसबाहेक, सन् २०३० भित्र निम्न मध्यम आय भएको मुलुकहरूमध्ये सम्मानजनक स्थानमा पुग्ने र दीगो विकास लक्ष्यमा अधिंकाश लक्ष्यहरू पूरा गर्ने योजना नेपालले तय गरेको छ। वार्षिक प्रतिव्यक्ति आय तीन हजार अमेरिकी डलर पु¥याउँदा मात्रै नेपाल निम्न मध्यम आय भएको मुलुुकको सूचीको सम्मानजनक स्थानमा रहन सक्ने वाग्लेले बताए।

यी लक्ष्य पूरा गर्नको लागि आगामी एक दशकमा प्रत्येक वर्ष २० खर्ब रूपैयाँ नेपालले परिचालन गर्न सक्नुपर्ने वाग्लेको भनाई छ।अल्पविकसित मुलुककै सूचीमा भएको कारण अहिले नेपालले विदेशी दातृ निकायहरूबाट सस्तो व्याजमा प्रशस्त ऋण लिन सक्ने अवस्था भएकाले सस्तोव्याजका सकेसम्म धेरै ऋण परिचान गर्न  सक्नुपर्नेमा जोड दिए।

नेपालीहरूको प्रतिव्यक्ति आयमा सुधार आउने र देश पनि अल्पविकसित मुलुकबाट स्तरोन्नती हुँदा विदेशी निकायले पनि सस्तो ब्याजमा ऋण नदिने भएकाले अहिले नै त्यस्ता ऋण विकास  गतिविधिमा परिचालन गर्नुपर्ने वाग्लेले बताएका छन्। आगामी तीन दशकमा नेपाल समृद्ध मुलुक बन्न सक्ने आधार बन्दै गएको भएपनि ठूला प्राकृतिक प्रकोप, वातावरणीय परिर्वन र महामारीहरू समृद्धिको अवरोधक बन्न सक्ने उनले बताए। त्यसबाहेक, नेपालको दक्षिणतर्फ असाध्यै ठूलो जनसंख्या रहेकाले त्यसबाट हुने फाइदाको उपयोग गरी आर्थिक वृद्धिमा सहयोग पुग्ने योजना तय गर्नुपर्ने वाग्लेले बताएका छन्।

त्यसैगरी, बाढी नियन्त्रणका योजना सहित नेपालबाट दक्षिणतर्फ बग्ने पानीको सदुपयोग गर्न सक्दा पनि समृद्धि यात्रा छिटो र सजिलो हुने वाग्लेको भनाई छ। विश्व बैंकले एक हजारदेखि चार हजार अमेरिकी डलर प्रतिव्यक्ति आय भएको मुलुकलाई निम्नमध्यम आय भएको मुलुकमा सूचिकृत गर्छ। गत आर्थिक वर्षमा नेपालको प्रतिव्यक्ति आय बढेर एक हजार चार डलर पुगेको छ। सोही आधारमा नेपाल अहिले निम्न मध्यम आय भएको मुलुकमा सुचीकृत भएको छ।