तपाईँले कति रक्सी पिउनुभएको छ ? अब स्मार्टफोनले नै पत्ता लगाउनेछ



काठमाडौं, ४ भदौ । अब तपाईँको स्मार्टफोनले नै तपाईँले कति रक्सी पिउनुभएको छ भनेर पत्ता लगाउन सक्नेछ।

हालै गरिएको एक अध्ययनले स्मार्टफोनले तपाईँले कतिबेला अत्यधिक रक्सी पिउनुभएको थियो भनेर तपाईँको हिँडाईलाई निगरानी गरेर पत्ता लगाउन सक्ने देखाएको छ ।

अमेरिकी अनुसन्धानकर्ताहरूले कसैले कानुनीरुपमा गाडी चलाउँदा पिउन पाईने सीमा भन्दा माथि पिएको थियो भनेर पत्ता लगाउन स्मार्टफोनमा भएका सेन्सरहरू प्रयोग गरेका छन् । पिट्सबर्ग विश्वविद्यालयको अध्ययनमा जब प्रयोगकर्ताहरू केवल १० कदम मात्र हिडेपनि फोनहरूले करिब ९० प्रतिशत शुद्धताका साथ गर्न सक्ने पत्ता लगाएका थिए ।

वैज्ञानिकहरूले आशा गरे कि यो खोजले डिभाइस अलर्टहरु विकास गर्न प्रयोग गर्न सकिन्छ, उदाहरणको लागि( मानिसहरूलाई नशामा मातेको बेलामा गाडि नचलाउन भन्नु ।

‘हामी जहाँ जान्छौं त्यहाँ वरिपरि हामीसँगै शक्तिशाली सेन्सरहरू लिएर हिँड्छौं,’ अग्रणी अनुसन्धानकर्ता ब्रायन सफोलेटोले भने, ‘हामीले तीनीहरूलाई सार्वजनिक स्वास्थ्यको सेवामा कसरी प्रयोग गर्ने भनेर सिक्नु आवश्यक छ।’

यस अध्ययनमा २१ देखि ४३ वर्ष उमेरका २२ जना सहभागीहरू थिए, जसलाई हरेक घण्टा उनीहरुको रगतमा प्रति १०० मिलिलिटरमा ८० मिलीग्राम मदिरा नपुग्दासम्म हरेक घण्टा भोडका र लाइम जूस पिउन दिईएको थियो ।

यो मात्राको मापदण्ड अमेरिका र बेलायतमा रहेको छ । तर अन्य देशहरुमा भने फरक फरक मापदण्ड तोकिएको छ ।

अध्ययनमा एउटा स्मार्टफोन उनीहरूको पछाडि बाँधिएको थियो, सहभागीहरूले हरेक दुई घण्टामा हिड्ने कार्य गर्थे र यसमा १० कदमका लागि सिधा लाइन हिँड्न, पछाडि फर्किन र फेरी सिधा हिँड्न भनिएको थियो ।

लगभग ९० प्रतिशतको समय, अन्वेषकहरूले उनीहरुको चालमा भएको परिवर्तनलाई फोनले गरेको हाईलाइटको माध्यमबाट सीमा नाघ्नेहरूलाई पहिचान गर्न सक्षम भएका थिए ।

यसमा एउटा अनुप्रयोगले प्रयोगकर्ताहरूलाई सूचित गर्न सक्दछ जो उनीहरू ड्राइभ गर्नु हुँदैन भन्ने अवस्थामा उनीहरू बिरामी छन भनि सोच्न सक्दैनन् ।

डा सफोलेटो रक्सीले मातेको अवस्थामा आफ्नो प्रिय मित्रलाई ड्रिङ्क एण्ड ड्राइभको घट्नामा गुमाएपछि यसबारेमा अध्ययन शुरु गरेका थिए । उनले प्रविधिको प्रयोग र हस्तक्षेपले यस्ता घट्नाहरु कम गर्न सकिने बारेमा १० वर्षदेखि अध्ययन गर्दै आएका थिए ।

यो अध्ययन नियन्त्रित र सानो तहमा भएको र आगामी दिनमा नयाँ अनुसन्धानहरुलाई सहयोगी हुने अनुसन्धानकर्ताहरुको भनाई छ ।

बीबीसी

    Comment Here!


सम्बन्धित समाचार

View All