काठमाडौं। आइतबार बिहान काठमाडौंको गोंगबु हत्या प्रकरणमा प्रहरीले चितवनबाट एक महिलालाई पक्राउ गरेको छ । दाङका कृष्णबहादुर बोहराको शव आइतबार बिहान गोंगबुमा सुटकेशभित्र भेटिएको थियो ।बोहराको हत्या गरेको हुन् सक्ने आशंकामा प्रहरीले चितवन टाँडीस्थित माधवपुरबाट कल्पनाशाहीलाई पक्राउ गरेको हो । प्रहरीले उनलाई भाग्दै गरेको अवस्थामा सोमबार पक्राउ गरेको हो । घटनापछि चितवन पुगेकीशाहीलाई प्रहरीले काठमाडौं ल्याउने तयारी गरिरहेको स्रोतले जनाएको छ ।
बोहराको शव आइतबार बिहान टोखा नगरपालिकाको १० स्थित गोंगवु गणेशस्थानमा फेला परेको थियो । शव पहिचान गर्न प्रहरीलाई निकै कठिन भएको थियो। बोहराको मामाले सोमबार शवको सनाखत गरेपछि प्रहरीले उनको हत्या भएको घर पत्ता लगाएको हो ।
गोंगबुस्थित नवज्योती मार्गमा रहेको किरण बस्नेतको घरको तेस्रो तल्लामा बोहराको हत्या भएको रहस्य खुलेको छ । बोहराको शव बस्नेतको घरबाट ५० मिटर पर सडकमा भेटिएको हो । शरीरको करिब २ सय मिटर पर टाउको र खुट्टा फेला परेको थियो । बोहरा नयाँ बजारस्थित गार्मेन्टमा कार्यरत मजदुर रहेको समेत खुलेको छ ।
प्रतिक्रिया दिनुहोस्