बाजुरा २६ साउन ।  बाजुरा जिल्लामा आइतबार रातीदेखीको अबिरल बर्षासंगै बुढिगंगा नदिमा आएको बाढिले बडिमालिका नगरपालिका २ का वडा अध्यक्ष डम्मर महतकी आमा बेपत्ता भहुनुभएको छ ।  सोमबार बिहान नदिले घर बगाउदा ६५ बर्षिया आमा अइसेनी महत बेपत्ता भएको वडाअध्यक्ष महतले बताउनुभयो ।

बुढिगंगा नदिको तटिय क्षेत्र बडिमालिका नगरपालिका २ घागरको बस्तीनै बगाएकोले स्थानीय कोही कसैको सम्पर्कमा नरहेको बताइएको छ ।

बस्तिनै बगाँउदा गाइ गोरु र घरमा रहेको सम्पुर्ण सामान बगाएको घटनास्थलबाट वडा अध्यक्ष महतले बताउनुभयो । बुढिगंगा नदिमा आएको बाढिले दर्जनौ बस्ती बगाएको छ भने घरपालुवा बस्तुहरु समेत बगाएको जिल्ला प्रहरी कार्यालय बाजुराका प्रमुख टंक प्रशाद भट्टराई ले जानकारी दिनुभयो ।

उहाका अनुसार बाढीले के कती क्षेति पुगेको छ विस्तृत विवरण आउन बाकि रहेको छ । बेपत्ता महतक‍ो खाजि कार्यका लागि नेपाल प्रहरी नेपाली सेना,शसस्त्र प्रहरी लगाएतका सुक्षा निकायहरू खोजिकार्यमा लागेको प्रमुख जिल्ला अधिकारी कृष्ण गैरेले जानकारी दिनुभयो । साफेँ मार्तडी सडक खण्ड पर्ने बडिमालिका नगरपालिकाको जडाङामा रहेको बेलिव्रिज समेत बाढीले बगाएपछि जिल्ला सदरमुकाम मार्तडी आउने सबै यातायातका साधन बन्द रहेको प्रमुख जिल्ला अधिकारी गैरेले जानकारी दिनुभयो ।