वीरगञ्ज, १७ साउन । वीरगञ्जमा कोरोना भाइरस (कोभिड–१९) को संक्रमणबाट थप एक जनाको मृत्यु भएको छ । १० दिनमा कोरोना संक्रमणका कारण पर्सामा मृतकको संख्या १० पुगेको छ । नारायणी वयोधा अस्पतालमा मृत्यु भएकी वीरगञ्ज–१६ नगवाकी ५० वर्षीया महिलामा कोरोना संक्रमण पुष्टि भएको हो ।
बयोधा अस्पतालमा साउन १४ गते बुधबार भर्ना भएकी उनको शुक्रबार स्वाबको नमुना संकलन गरी पीसीआर परीक्षणका लागि नारायणी अस्पतालको पीसीआर ल्याबमा पठाइएको थियो ।
मधुमेहले ग्रसित वीरगञ्ज महानगरपालिका–१६ नगवा निवासी उक्त महिलाको शुक्रवार मृत्यु भएपछि कोरोना परीक्षणका लागि स्वाब संकलन गरिएको थियो । मृतक महिलाको शव दाहसंस्कारको लागि नेपाली सेनालाई जिम्मा लगाउने काम भइरहेको बताइएको छ । योसँगै, वीरगञ्जमा ११ जना मृतकमा कोरोना संक्रमण पुष्टि भइसकेको छ ।
सुगरबाट ग्रसित महिलामा निमोनिया र हाईपर टेनसन समेत रहेको नारायणी अस्पतालका डा निरज सिंहले जानकारी दिनु्भयो। उनीसँगै संक्रमण पुष्टि भएकी नगवाकी ६० बर्षीया महिलाको अवस्था पनि गम्भिर रहेको अस्पताल स्रोतले जनाएको छ । उनको बयोधा अस्पतालमै आईसीयूमा उपचार भइरहेको छ ।
प्रतिक्रिया दिनुहोस्