नेकपा विवाद भोली विहान अध्यक्षद्धयवीचको छलफलले टुगांउने



काठमाडौँ, १९ असार ।  प्रधानमन्त्री केपी शर्मा ओली र पार्टी अध्यक्ष पुष्पकमल दाहाल ‘प्रचण्ड’बीच वालुवाटारमा करीव ३ घण्टा छलफल भएको छ ।

नेकपा अध्यक्ष तथा प्रधानमन्त्री केपी शर्मा ओलीको राजीनामाको मागसहित सत्तारुढ नेकपामा विवाद चर्किंदै गएपछि सहमति जुटाउने प्रयास स्वरुप आज दुई अध्यक्ष ओली र प्रचण्डबीच करीव ३ घण्टा छलफल भएको छ ।

प्रधानमन्त्री निवास वालुवाटारमा विहान ११ बजेदेखि भएको छलफलमा नेकपा महासचिव विष्णु पौडेल र स्थायी समिति सदस्य जनार्दन शर्मा पनि सहभागी हुनुहुन्थ्यो । उहाहरु पार्टी एकता देखि अध्यक्ष द्धयले आलोपालो अध्यक्ष तथा प्रधानमन्त्री पद लिने विषयमा भएका सहमतिको लिखतमा साछी बसेका थिए ।

आजको बैठकमा पार्टीभित्र जारी विवादको सम्मानजनक हल खोज्न विभिन्न विकल्पमा छलफल भएको र गृहकार्यसहित भोलि स्थायी समिति बैठकअघि दुइ अध्यक्षबीच पुन वार्ता हुने तय भएको वालुवाटारस्थित स्रोतले बतायो । नेकपा स्थायी समितिको बैठक भोलि विहान ११ बजेका लागि बोलाइएको छ ।

यसैबीच आज बिहानैदेखि प्रधानमन्त्री ओलीपक्षीय तथा अध्यक्ष प्रचण्ड र वरिष्ठ नेता माधवकुमार नेपाल पक्षका दोस्रो र तेस्रो तहका नेताहरु पनि आगामी रणनीति तय गर्न आन्तरिक बैठकमा जुटेका छन् भने केन्द्रीय सदस्यहरुले पार्टी एकतामा आँच नआओस् भन्दै धुम्वाराहीस्थित पार्टी केन्द्रीय कार्यालयमा धर्ना दिएका छन् ।

नेकपामा दोस्रो तहका नेताहरुको भेलाले अहिले पार्टीमा देखिएको विवाद पार्टी एकताका क्रममा गत मंसिर ४ र चैत २ मा भएका सहमतिमै टेकेरै सुल्झाउनु पर्ने र त्यसो गर्न सकिने निष्कर्ष निकालेको छ । नेकपा नेता तथा कृषि मन्त्री घनश्याम भुसालको निवासमा आज बिहान भएको भेलाले सो निष्कर्ष निकालेको हो ।

    Comment Here!


सम्बन्धित समाचार

View All