काठमाडौं, ३० जेठ । । युनाइटेड अरब इमिरेट्स (युएई)बाट नेपाल आएकी एक महिलामा कोरोना भाइरसको संक्रमण पुष्टि भएको छ ।
युएईमा समस्यामा परेकाहरु १५७ जना नेपाली शुक्रबार (२३ जेठ )मा एअर अरबियाको जी नाइन १७५१ चार्टर फ्लाइटबाट नेपाल आएका थिए । त्यही टोलीमा रहेकी २६ वर्षीया महिलामा कोरोना संक्रमण पुष्टि भएका स्वास्थ्य तथा जनसंख्या मन्त्रालयका सहप्रवक्ता डा. समिर अधिकारीले जानकारी दिनुभयो ।
संक्रमित महिलालाई पहिलो दिन खरीपाटी क्वारेन्टिनमा राखिएको थियो । दोस्रो दिन २४ जेठमा मुलपानीको क्वारेन्टिनमा सारिएको थियो । त्यहीँबाट पीसीआर विधिबाट परीक्षण गर्न नमुना संकलन गरिएको र रिपोर्ट पोजेटिभ आएको डा. अधिकारीले बताउनुभयो । उनलाई आजनै पाटन अस्पतालको आइसोलेसनमा लगिएको छ भने उनसँगै फ्लाइटमा आएका अरु यात्रुको कन्ट्याक्ट टेसिङ गरिने भएको छ ।
प्रतिक्रिया दिनुहोस्