कर्णालीमा थप ५४ जनामा कोरोना संक्रमणको पुष्टि, संक्रमितको संख्या ६४१ पुग्यो



काठमाडौं २५ जेठ । कर्णालीमा थप ५४ जनामा कोरोना भाइरसको संक्रमण पुष्टि भएको छ । प्रदेश अस्पताल, पशुपन्छी रोग अन्वेषण केन्द्र, सुर्खेत र कर्णाली स्वास्थ्य विज्ञान प्रतिष्ठान जुम्लाको प्रयोगशालामा भएको परीक्षणबाट थप ५४ जनामा कोरोना संक्रमण पुष्टि भएको हो । योसँगै कर्णालीमा संक्रमितको संख्या ६४१ पुगेको छ ।नयाँ पुष्टि हुनेमा सल्यानका २८, सुर्खेतका २० जना, दैलेख र कालीकोटका ३र३ जना रहेका छन् ।

थपिनेमा सल्यानको बनगाड कुपिन्डे नगरपालिका–१ का ७ पुरुष, १ महिला, वडा नम्बर ३ का २ पुरुष, ४ का ३ पुरुष, ५ र ६ का २/२ जना पुरुष, वडा ७ का ५ जना पुरुष, वडा नखुलेका १ पुरुष छन्।

यस्तै स्थानीय तह नखुलेका सल्यानको बेलखोला गाउँका ३ जना पुरुष रहेका छन् भने कुमाख गाउँपालिका–३ का २ जना पुरुष रहेका छन्।

सुर्खेतको बराहताल गाउँपालिका–१ र २ का १/१ जना पुरुष, भेरीगंगा नगरपालिका–९ र वीरेन्द्रनगर नगरपालिका–२ का २/२ जना पुरुष, चौकुने गाउँपालिका–७ र ८ का १/१ पुरुष, लेकवेशी नगरपालिका–१, ३ र ९ नम्बर वडाका १/१ जना पुरुष, वडा नम्बर ४ का ३ पुरुष, पञ्चपुरी नगरपालिका ४ का ४ जना पुरुष र वडा नम्बर ९ का १ महिला, १ जना पुरुष छन्।

दैलेखको भेरवी गाउँपालिका–३ र ५ का १/१ जना पुरुष, चामुण्डाविन्द्रासैनी नगरपालिका–४ का ११ वर्षीय बालकमा संक्रमण देखिएको स्वास्थ्य सेवा महाशाखाले जानकारी दिएको छ।

कालिकोटको खडाचक्र नगरपालिका–९ र १० का १/१ जना पुरुष र महाबै गाउँपालिका–३ का एक जना पुरुषमा संक्रमण देखिएको छ।

    Comment Here!


सम्बन्धित समाचार

View All