काठमाडौंमा एक महिला पत्रकारलाई कोरोना संक्रमण



काठमाडौं, २१ जेठ । काठमाडौंको एक महिला पत्रकारलाई कोरोना संक्रमण भएको छ । एक अनलाइनमा कार्यरत पत्रकारलाई कोरोना संक्रमण भएको हो।

धादिङ घर भएकी ती महिला पत्रकारको चार दिनअघि स्बाव संकलन गरिएको थियो। ‘आज रिपोर्ट आउँदा पोजिटिभ आयो,’ स्वास्थ्य मन्त्रालय स्रोतले भन्यो, ‘कन्ट्याक्ट ट्रेसिङको काम भैरहेको छ। उहाँको स्वास्थ्य अवस्था सामान्य छ।’ धादिङबाट फर्केपछि ती महिला पत्रकारको स्बाव संकलन गरिएको थियो। ‘बाहिर फिल्डमा नहिडेको र घरमै बसेर काम गरेको अहिलेसम्म जानकारी आएको छ,’ मन्त्रालय स्रोतले भन्यो।

स्वास्थ्य मन्त्रालयको नियमित पत्रकार सम्मेलनमा बुधबार उपत्यकमा तीन जना संक्रमित थपिएको जानकारी गराइएको थियो। नेपालमा हालसम्म कोरोना संक्रमणबाट ९ जनाको निधन भएको छ भने २ हजार ३ सय जना संक्रमित भएका छन्।

    Comment Here!


सम्बन्धित समाचार

View All