काठमाडौं, ३ जेठ । धुलिखेल अस्पतालमा बिहीबार मृत्यु भएकी महिलाको सुरक्षा निकायले दाह संस्कार गर्ने भएको छ । कोभिड–१९ भाइरसका कारण मृत्यु भएको व्यक्तिको शव सुरक्षा निकायको समन्वयमा दाहसंस्कार गर्ने व्यवस्था छ । धुलिखेल अस्पतालमा गरिएको परीक्षणमा ती महिलामा कोरोना संक्रमण पुष्टि भएको थियो ।
नेपाल प्रहरीको स्रोत अनुसार महिलाको दाहसंस्कार गर्ने तयारी भइरहेको छ । ‘शव बाहनमार्फत पशुपति आर्यघाट ल्याईदै छ ।

महिलाको शव व्यवस्थापन गर्न एम्बुलेन्ससहितको टोली भक्तपुरबाट गयो

काभ्रेपलाञ्चोकको धुलिखेल अस्पतालमा बिहीबार मृत्यु भएकी महिलाको शव व्यवस्थापन गर्न भक्तपुर अस्पतालको एम्बुलेन्ससहितको टोली गएको छ ।
शव बोक्नका लागि एम्बुलेन्ससहितको टोली आज साँझ ७ः३० बजे भक्तपुर अस्पतालबाट धुलिखेल अस्पताल प्रस्थान गरेको हो । महानगरीय प्रहरी परिसर भक्तपुरका प्रहरी उपरीक्षक सविन प्रधान, नेपाली सेना वीरदल गणका गणपति कर्णेल शिव पौडेलसहितको सुरक्षाकर्मीको टोली र शव व्यवस्थापनका लागि उद्धार टोलीका अरुण सैँजु र राजेश गाईजुको टोली धुलिखेल अस्पताल प्रस्थान गरेको हो ।

शव बोक्न कुनै पनि शवबाहन तयार नभएपछि भक्तपुरबाट एम्बुलेन्स मगाएको काभ्रे प्रहरीले जानकारी दिएको छ । धुखिलेल अस्पतालबाट शवलाई पशुपति आर्यघाटको विद्युतीय शवदाह गृहमा दाहसंस्कार गरिने भएपछि त्यसको सबै काम उद्धार टोलीका सैजु र गाईजुले गर्नुहुने भएको छ ।

दाह संस्कारबारे यस्तो छ व्यवस्था

कोभिड–१९ का कारण मृत्यु भएका व्यक्तिको शव व्यवस्थापनसम्बन्धी संक्षिप्त कार्यविधिमा हालसम्म शवको संसर्गबाट रोग अर्को व्यक्तिमा सरेको प्रमाण फेला नपरे पनि सावधानी अपनाउने भनिएको छ । साथै, शवलाई चाँडोभन्दा चाँडो अन्तिम संस्कार स्थलमा लानुपर्ने पनि भनिएको छ ।

मृतकको जथाभावी सदगतलाई पनि निषेध गरिएको छ । शवलाई अस्पतालरघरबाट अन्तिम संस्कार गर्न लैजाने क्रममा अस्पतालका कर्मचारी, एम्बुलेन्स, सदगत गर्ने व्यक्तिहरु र सहभागी हुने आफन्तले पञ्जा, चस्मा, टोपी, मास्कसहित पीपीई प्रयोग गर्नुपर्ने भनिएको छ ।
‘६० वर्षमाथिका व्यक्ति र दीर्घ रोगीहरुलाई शवको नजिक जानबाट रोक्नुपर्छ’, कार्यविधिमा भनिएको छ, ‘सदगत गर्नुपूर्व आफ्नो कुलरपरम्परा अनुसार शवलाई नछोइकन जल छर्कने, पाठ गर्ने तथा फूलमाला चढाउने जस्ता क्रियाकलाप गर्न सकिनेछ ।’
मृतकका आफन्तले शव हेर्न चाहेनमा नछोइ कम्तीमा एक मिटर टाढाबाट एकरएक जनालाई पालैपालो गरी हेर्न दिन सकिने कार्यविधिमा उल्लेख छ ।

कोभिड–१९ ले मृत्यु भएका व्यक्तिको सामान्यता पोष्टमार्टम गर्नु नपर्ने पनि कार्यविधिमा भनिएको छ । साथै, गर्नै परे पनि मृतकको फोक्सो तथा अन्य अंगहरुमा जिवाणु जिउँदै हुनसक्ने हुनाले थप होसियारी अपनाउनुपर्ने भनिएको छ ।

किन गईन काठमाडौबाट उनि कारण यस्तो

गोगंबुमा बस्दै आएका थिए धुलिखेल अस्पतालमा मृत्यु भएकी महिला र उनका श्रीमान। सिन्धुपाल्चोक बाह्रविसे नगरपालिका ९ राम्चेका स्थायी घर।

काठमाडौंमा श्रीमान सुरक्षा गार्डको काम गर्थे भने उनी तरकारी बेच्ने।

वैशाख २३ गते हिंडेरै त्रिवि शिक्षण अस्पताल पुगेकी उनले २४ गते सुत्केरी भइन्।

लकडाउनका कारण श्रीमानको काम छुटेको थियो। त्यससँगै उनको व्यापार पनि ठप्प।

कोठामा खानेकुरा सकिँदै थियो। गोजीमा पैसा। त्यसैले भोकै मरिने र सुत्केरी अवस्थाको उचित स्याहार गर्न नसक्ने अवस्था भएकाले आफ्नै गाउँ फर्किए उनीहरु।

अस्पतालमा सामान्य रुपमा बच्चा जन्मिएपछि सोही दिन एम्बुलेन्समा लागेका थिए गाउँतर्फ।

जिल्ला बाहिरबाट आएकाले जेठ १ गते बिहिवार उनको पनि आरडीटी परीक्षण गरिएको थियो। त्यसबेला उनको रिपोर्ट नेगेटीभ आएको थियो। कोरोना भाइरसको कुनै लक्षण पनि देखिएको थिएन उनमा।

तर, राति उनलाई स्वासप्रस्वासमा समस्या देखिएपछि धुलिखेल अस्पताल लगिएको थियो। त्यहाँ उपचारकै क्रममा उनको मृत्यु भयो। जसलाई कोरोना भाइरसको संक्रमणबाट मृत्यु भएको शंका गरिएको छ। तर स्वास्थ्य मन्त्रालयले भने यसको पुष्टि गरिसकेको छैन।

२९ वर्षीय उनका श्रीमान र माइतीपट्टीकी आमालाई अस्पतालकै क्वारेन्टाइनमा राखिएको छ।

‘अझै पनि कोरोना भाइरस संक्रमणको पुष्टी भएको छैन तर लापर्वाही गरेको भन्दै गाउँलेले अनेक किसिमका लान्छना लगाउन थालेका छन्’ परिवारकाले फोन सम्पर्कमा पीडा सुनाउँछन्।

‘यस्तो संक्रमणको बेला काठमाडौंमै नबसेर कोरोना भाइरस गाउँमा फैलाएको आक्षेपसम्म लाइरहेका छन्’ मानसिक तनाव भइरहेको छ उनीहरुलाई।

त्यसैले बाह्रविसे वडा नम्बर ९ मा ती महिलाको सम्पर्कमा आएका सबैको स्वाब संकलन गर्ने तयारी गरिएको छ ।

आइतवार बिहान ८ बजेदेखि जिल्ला अस्पतालको स्वास्थ्य टोलीले स्थानीयको स्वाब संकलन गर्न लागेको हो।