काठमाडौ,१२ मंसिर । मंगलबार काठमाडौंको नयाँ बानेश्वरमा आयोजित वाम गठबन्धनको चुनावी सभालाई सम्बोधन गर्दै अध्यक्ष ओलीले काँग्रेसले राष्ट्रियता, प्रजातन्त्र र समाजवाद सबै छोडिसकेको बताए ।

कांग्रेस आफ्नो नीतिबाट च्यूत भएको र आफूले सरकारको नेतृत्व गर्दा एक वर्षमा लोडसेडिङ हटाउनेगरी काम गरेको गठबन्धको चुनावी घोषणपत्रमा उल्लेख गरिएजस्तै मुलुकलाई दिगो शान्ति, समृद्धितर्फ अघि लगिने बताए । काँग्रेसहरुले जनतालाई भ्रम छर्दै हिडेको बताउदै वाम गठबन्ध चुवानी गठबन्धन नभएर पाटी एकताको लागी र देशमा स्थिर सरकार  दिन बनेको बताए ।

ओलीले अहिले देशले कता जाने भन्ने फैसला जनतासंग खोजिरहेको बताउँदै कांग्रेसको नेतृत्वमा देशले समृद्धि पाउन नसक्ने समेत बताए । उनले कुनै बेला बीपी र गणेशमानले बनाएको ऐतिहासिक पार्टी नेपाली कांग्रेस अब भर पर्न नसकिने र अविश्वसनीय अवस्थामा पुगेको ले अव जनताले विश्वास गर्न छाडेका समेत बताए ।

त्यस्तै एमाले वरिष्ठ नेता तथा पूर्व प्रधानमन्त्री माधवकुमार नेपालले कांग्रेसले पटक पटक बहुमत पाएर पनि देशलाई गरिवी र पछौटेपनमा पु¥याएको देशलाई अस्थिरता तर्फ धकेलेको बताउदै अव वाम गठबन्धनबाट अत्तालिएर कांग्रेसले अधिनायकवाद आउने हल्ला चलाएको बताए । कार्यक्रममा बामगठबन्धनबाट काठमाडौका बिभिन्न क्षेत्रबाट उम्मेद्वारी दिएका उम्मेद्वारहरुले अब मुलुकको समृद्धि र विकास गर्न कसैले रोक्न नसक्ने बताएका थिए ।