काठमाडौं, १० बैशाख । प्रधानमन्त्री केपी शर्मा ओली र अध्यक्ष पुष्पकमल दाहाल प्रचण्डले आज सत्तारुढदलका सांसदहरुसंग अन्तरक्रिया गर्नुहुने भएको छ । सोमबार आएको अध्यादेश र कोरोना भाइरस रोकथाम र संक्रमण, पछिल्लो अवस्थाबारे  प्रदेशगत रुपमा सांसदहरुसंग छलफल गरिने भएको हो । छलफलमा पार्टी एकतालाई सुदृढ गर्ने बारेमा छलफल केन्द्रित हुने नेकपा स्रोतले जानकारी दिएको छ ।

अप्रिल २२ (वैशाख १० गते) ७१ वर्ष पहिले आजकै दिन नेपाल कम्युनिष्ट पार्टीको स्थापना भएको थियो । आजकै दिन विश्वमा परिवर्तनको नेतृत्व गर्ने ऐतिहासिक व्यक्तित्व भ्लादिमिर इल्यिच लेनिनको जन्म भएको थियो । नेपालमा २००६ साल वैशाख १० गते पुष्पलालको नेतृत्वमा नेकपाको स्थापना भएको थियो भने वर्तमान सत्ताारुढ नेकपाको गत २०७५ जेठ ३ गते एकता भएको थियो । यसै दिनको अवशर पारेर आज अध्यक्ष द्धयले अन्तक्रिया गर्न कार्यक्रम तय भएको हो ।