बुटवल, ३ बैशाख । अत्यावश्यक वस्तु आयात गर्ने बहानामा सिमापारी भारतबाट नेपाल भित्रने गाडीमा लुकिछिपी मानीसहरु आउने जाने गरेको पाईएपछि नेपालगन्ज स्थित जमुनाहा नाकामा शसस्त्र प्रहरीले नयां तरीका अपनाएको छ ।
गाडीको स्टाफ, सहचालक वा सामानवाला बनेर मानीसहरुको ओहरदोहर हुने गरेको गुनासो आएपछि शसस्त्र प्रहरीले नयां कदम चालेको हो । शसस्त्र प्रहरीले भारतबाट आउने सवारीसाधानमा सेनेटराईज गर्नुका साथै सवारी साधानको चालक र सह चालकको फोटो खिचेरमात्र गाडीलाई नेपाल भित्राउन थालेको छ । नेपाल आंउदा चालक र सहचालकका रुपमा अन्य ब्यक्तिहरु भित्रिनेगरेको पाईएपछि फोटो खिचेर मात्र सवारी साधन छाडीने गरेको शसस्त्र प्रहरीको जमुनाहा पोष्टका प्रमुख शसस्त्र नायव प्रहरी उपरिक्षक नवराज बोहोराले जानकारी दिनुभयो । लकडाउन सुरु भएसंगै सिमामा सिल भएपछि सवारी साधनहरुमा आउंदा एक चालक र सहचालक र फर्कंदा अर्को चालक सहचालक भएको पाईएपछि फोटो खिचेर भिआउन दिने तथा फर्कंदा फोटो भिडाएर पठाउने गरिएको डिएसपि बोहोराले बताउनु भयो ।
सिमा सिल गरेर मानव आउनेजाने क्रम रोकिएपनि अत्यावश्यक सेवा अन्तर्गतका सामानहरुको ओसार पसार भने रोकिएको छैन । तीनै सवारी साधनलाई दुरुपयोग गर्दै स्थाथानीयबासी आउने जाने गरेको पाईएको थियो । सिमा क्षेत्रकाका उपभोक्ताहरुले सवारी साधनमा समेत भाईरस आउने जोखिम हुने गुनासो गरेपछि प्रहरीले सवारी साधनमा समेत औषधी छर्केर सेनेटराईज गरेपछि मात्र नेपाल भित्राउने ब्यवस्था मिलाएको छ ।