काठमाण्डौं, १० मंसिर । प्रतिनिधीसभा र प्रदेशसभाको पहिलो चरणको निर्वाचन आज सम्पन्न भएको छ । ७ प्रदेशको ३२ जिल्लामा भएको यो निर्वाचनमा मतदाताले सक्रिय सहभागिता जनाएका छन् । कुल ७ सय २ उम्मेदवारलाई आज ३१ लाख ९१ हजार मतदाताले मतदान गर्दैछन् । निर्वाचनमा युवादेखि विभिन्न उमेर समुहका मतदाताको सहभागिता थियो । १०० वर्ष उमेर नाघेका बृद्ध मतदाताहरु देखि कृयापुत्री र एक जना अशक्तले स्टचरमै गएर भएपनी मतदान गरेको देखियो ।

वृद्ध मतदाताहरु

बैतडिमा ११४ वर्षीय महिला पशुपति साउदले बैतडीको सुर्नया गाउ“पालिकाको ढोल्या मतदान केन्द्रबाट भोट हाल्नु भएको छ । उहा“ले अब नेताहरुले महिलाको जीवनस्तर उकास्ने काममा ध्यान दिनुपर्ने र निर्वाचित भएर जाने नेताहरुले कुरा भन्दा पनि गाउ“ठाउ“मा देखिने खालका काम गरेर स्थानीय नागरिकको मन जित्नु पर्ने बताउनुभएको छ । त्यस्तै म्याग्दीमा ११२ वर्षका खड्कबहादुर भण्डारीले पनि मतदान गर्नुभएको छ । रघुगंगा गाउ“पालिका ३ वस्ने भण्डारीले ज्ञानोदय मावि मतदान केन्द्रबाट मतदान गर्नुभएको हो। त्यस्तै खोटाङको सरस्वती माबि (ख) केन्द्रबाट १०६ बर्षिय मणीसुन्दर बजिमयले मतदान गर्नु भएको छ भने, रसुवाको कालिका ३ का एक सय चार वर्ष उमेर पुगेका गौकुमारी लामिछाने ले सुन्धारा मावी मतदान केन्द्र बाट मतदान गर्नुभएको छ ।

क्रियापुत्रीद्धारा मतदान

सोलुखुम्बु सोलुदुधकुण्ड नगरपालिका ३ को ज्वालामाई आधारभुत विद्यालय मतदान केन्द्र बाट तामाखानीका एक किरियापुत्रीले आज मतदान गर्नुभएको छ । आमा सन्तमाया मगरको आठ दिनदेखि काजकिरीया गरिरहनु भएका तामाखानीका शेरबहादुर मगरले सबैभन्दा ठुलो दान मतदान भएको कारणले आफुले मतदान गरेको बताउनुभयो ।