काठमाडौं, १९ फागुन  । प्रधानमन्त्री केपी शर्मा ओली आज अपरान्ह त्रिभुवन विश्वविद्यालय शिक्षण अस्पताल महाराजगञ्जमा भर्ना हुनु हुनेछ । पर्सि बुधबार र्मिगौला प्रत्यारोपणका लागि प्रधानमन्त्री ओली आज शिक्षण अस्पताल भर्ना हुन लाग्नुभएको हो ।

प्रधानमन्त्री ओलीले मिर्गौला प्रत्यारोपणमा नेपालले प्राप्त गरेको सफलताबाट विश्वस्त भएर नेपालमै दोस्रो पटक प्रत्यारोपण गर्न लागेको प्रधानमन्त्रीका प्रेस सल्लाहकार सूर्य थापाले बताउनुभयो । प्रधानमन्त्री ओलीको बुधबार त्रिवि शिक्षण अस्पताल, महाराजगञ्जमा नै मिर्गौला प्रत्यारोपण हुनेछ । प्रधानमन्त्री केपी शर्मा ओलीको मिर्गौला प्रत्यारोपण त्रिवि शिक्षण अस्पतालकै युरोलोजी तथा ट्रान्सप्लान्ट सर्जन प्रा.डा. प्रेमराज ज्ञवाली नेतृत्वको टोलीले गर्ने भएको छ । प्रत्यारोपणमा विदेशी डाक्टर संलग्नताको विषयको टुंगो निर्णय दिउँसो ३ बजे बस्ने बैठकले लगाउने डाक्टर ज्ञवालीले बताउनुभयो । प्रधानमन्त्री ओलीको २०६३ मा भारतको अपोलो अस्पतालमा मिर्गौला प्रत्यारोपण गरिएको थियो । त्यसयता उनले निरन्तर औषधि खाइरहनुभएको छ ।

यसैबीच, भारतीय प्रधानमन्त्री नरेन्द्र मोदीले प्रधानमन्त्री ओलीको सफल मिर्गौला प्रत्यारोपणका लागि अग्रिम शुभकामना व्यक्त गर्नुभएको छ । ट्वीटमार्फत् उनले प्रत्यारोपणपछि प्रधानमन्त्री ओलीको शीघ्र स्वास्थ्यलाभ खुसी र दीघार्युका लागि भगवान पशुपतिनाथले आशिर्वाद दिउन भन्ने कामना गर्नुभएको छ । साथै नेपाली र भारतबीचको सम्बन्धलाई नया“ उचाईमा र्पुयाउन प्रधानमन्त्री ओलीको योगदान आगामी दिनमा अझै मजबुत हु“दै जाने विश्वास व्यक्त गर्नुभएको छ ।