काठमाडौं, १६ फागुन । नायक नायिका आयुष्मान देशराज जोशी श्रेष्ठ र प्रियका कार्कीले विहिवार ललितपुर जिल्ला अदालतमा कानुनी विवाह गरेका छन् । उनीहरुले अदालतमा न्यायधीसको अगाडी आफुहरुलाई पति पत्नीका रुपमा स्वीकार गर्दै हस्ताक्षर गरेका छन् । विवाह पछि खिचाइएको तस्बिर सार्वजनिक भएको छ । यो प्रेम जोडीको विधिपूर्वक बिहे भने आज शुक्रबार हुँदै छ। प्रियंकाले बिहीबार आप्mनो पछिल्लो जन्मदिनसमेत मनाएकी छिन् । सामाजिक रुपमा शुक्रबार लगनगाँठो कस्ने तयारीमा रहेका उनीहरु यसको अघिल्लो दिन बिहीबार जिल्ला अदालत ललितपुर पुगेर कानुनी विवाह गरेका हुन् । अदालत परिसरमै उनीहरुले एक अर्कालाई मालासमेत लगाइदिएका छन् । केही दिन अघि उनीहरुले मेहेन्दी, संगीत समारोह आयोजना गरेका थिए । प्रियंका र आयुष्मान दुवै जनाले यस अघि ब्याचलर पार्टी पनि दिइसकेका छन् ।

यिनीहरुको ब्याचलर पार्टीका तस्बिर सामाजिक सञ्जालमा निकै भाइरल भइरहेको थियो । पारिवारीक कारणले रोकिएको विवाहको मिति तय भएपछि दुवै जना त्यसको तयारीमा जुटेका थिए । यस अघि नायिका आँचल शर्माले आफ्ना प्रेमीसंग विवाहको मिति तय गरिसकेकी छन् । उनीहरुको पनि औंठी साटासाटको कार्यक्रम भब्य भएको थियो ।