काठमाडौं,११ फागुन । प्रधानमन्त्री केपी शर्मा ओली बालुवाटार निवासमा ६९औं जन्मदिवस मनाउनु भएको छ । उपप्रधान तथा रक्षामन्त्री ईश्वर पोखरेल बालुवाटार निवास पुगेर प्रधानमन्त्री ओलीलाई जन्मदिनको शुभकामना दिनु भएको छ । उहाल सगै नेकपा संसदीय दलका उपनेता सुवास नेम्वाङ पनि सहभागी हुनुहुन्छ ।
आज विहान प्रधानमन्त्री ओलीलाई दोसल्ला ओढाएर सम्मान गर्नुको साथै बालुवाटारमा प्रधानमन्त्री ओलीको ुबर्थे केकु काटिएको थियो। बर्थडे सेलिब्रेसन गरेलगत्तै प्रधानमन्त्री ओली पाँचथर पुग्नु भएको छ । नेपाली सेनाको हेलिकोप्टरबाट उहा पाँचथर आइपुगेको प्रधानमन्त्रीका प्रेस सल्लाहकार सुर्य थापाले जानकारी दिनुभयो ।
इतिहास बोकेको यो घर
ढुंगामाटोले बनेको पुरानो घर । जसले झण्डै सय वर्षअघिका नेपालको पूर्वीभागमा निर्माण हुने ग्रामीण घरहरुको प्रतिनिधित्व गर्छ । दुईतले घर, जमिनको सतहभन्दा अलिमाथिसम्म रातो माटोले पोतिएको छ । एउटा मुल ढोका छ । झ्यालहरु छैनन् । मुलढोकाको छेउमा एउटा सानो पिरामिड आकारको प्वाल छ । सायद त्यो त्यतिबेलाको झ्याल राख्ने शैली हुनुपर्छ । बाँकी बाहिरी भाग सेतो चुनले पोतिएको छ । माथिलो तलामा पनि उसैगरी ढोका राखिएको छ । सरा, सेफ्टीहरुमा बान्की नमिलेका काठपात प्रयोग गरिएका छन् । धुरीमा सानो झ्याल छ । खरले छाइएको घरको तल्लोपटि छाल्की तानिएको छ । त्यहाँ ढिकीको अवशेष बाँकी नै छ । यो घर सामान्य छ । तर, यसमा विशेष इतिहास जोडिएको छ ।
यही घरमा इतिहासकै शक्तिशाली प्रधानमन्त्री तथा देशकै सबै भन्दा ठूलो दल नेपाल कम्युनिष्ट पार्टी (नेकपा) का अध्यक्ष केपी शर्मा ओलीको वि।स। २००८ फागुन ११ गते जन्म भएको हो । यहाँ ओलीको बाल्यकालका पदचापहरु आलै भेटिन्छन् ।
दशकौं गुमनाम यो घर केही बर्षयता एकाएक चर्चामा छ । ओली अहिले नेपालकै सबैभन्दा ठूलो दलको अध्यक्ष तथा इतिहासकै शक्तिशाली प्रधानमन्त्रीका रुपमा जन्माएको यो घर । यसै उहाँको थातथलोका बारेमा चर्चा हुने नै भयो । अर्को, जन्मघरप्रति पछिल्ला दिनहरुमा स्वयं प्रधानमन्त्रीकै चासो रही आएको छ ।
प्रतिक्रिया दिनुहोस्