आनी छोइगं डोल्माको किर्ते नागरिकता, १८ करोड अवैध धन रोक्का (भिडियो)

सम्पत्ति शुद्धिकरणको छानवीन



काठमाडौं, २ माघ  । सुन्दा पनि अचम्म लाग्ने हेर्दा त घिन लाग्ने । प्रतिष्ठा कमाएका चर्चितहरु नै नेपाली भूमिमा कालो धन भित्र्याएर सामाजिक सेवा र व्यवसाय गरेका छन् भन्दा पत्याउन गाह्रो होला तर यो सत्य हो । चर्चित गायिक आनी छोइङ डोल्मा  अबैध सम्पत्ती र कालोधनमा मात्र नभएर नागरिकता समेत किर्ते रहेको समेत रहस्य खुलेको छ । चर्चित गायिका आनी छोइङ डोल्माको कालो धन छानबीनको घेरामा पुगेको छ ।

प्रसिद्ध कवि दुर्गालाल श्रेष्ठको फूलको आँखामा फूलै संसार गीत गाएर चर्चाको शिखरमा पुगेकी वौद्ध धर्म अनुयायी आनी छोइङको नागरिकता किर्ते रहेको पाइएको हो । आनी छोइङ डोल्माको किर्ते नागरिकता, अवैध धन बैंकमा बन्द बुद्धमार्गीका नाममा दलाई लामको प्रचार आनी छोइङ समेत पहिलो पटक अमेरिका गएका तीनजना मध्ये उतै विवाह गरेर बसिन् । संसारभर आनीको कन्सर्ट, अवैध धन र किर्ते नागरिकतामाथि सरकारले छानविन शुरु गरेको हो ।

आनीको नागरिकता मात्र किर्ते मात्र छैन कि उनको जन्म, उनका माता, पिता र परिवारदेखि आनी बन्नेदेखि फर्पिङमा आनीहरुलाई पढाउन भनेर खोलिएको आर्य तारा स्कुलको आम्दानी र सहयोग समेत अनुसन्धानको घेरामा परेको छ । तिव्वती शरणार्थीको रुपमा नेपाल आएको आनी छोइङ डोल्माको परिवार हो भन्ने कुरा आनीले आफ्नो आत्मकथा र विभिन्न अन्र्वार्ताहरुमा बताएकी छन् । तर उनले नागरिकता भने बंशजको आधारमा भन्दै नक्ककी बाउ खडा गरेर लिएको पर्दाफास भएको छ ।

आनीले २०४६ जेठ १९ गतेको मितिमा काठमाडौं चपली भद्रकाली वडा नम्वर ६ का कान्छाबहादुर लामालाई बाउ बनाएर नागरिकता बनाएकी छन् । त्यही नागरिकताका आधारमा हालसम्म उनले विश्व भ्रमण र तिब्बती भगौडा दलाई लामाको अभियन्ता बनिरहेकी छन् । उनले किर्ते बाउ खडा गरी नागरिकता बनाएको थाह पाएपछि कान्छा बहादुर लामाका एक मात्र सन्तान छोरा प्रमान सिंह लामा (मंगाइ) ले जिल्ला प्रशासन र जिल्ला प्रहरी कार्यालयमा आफ्नो परिवारको प्रतिष्ठा र इज्जतलाई आनीले बद्नाम गरेको भन्दै कारबाहीका लागि निवेदन दिएका छन् ।

विस्तृत जानकारी बिग न्यूजमा प्रसारण गरिने छ ।

 

 

 

    Comment Here!


सम्बन्धित समाचार

View All