सुर्खेत , १४ माघ । सुर्खेतमा टिप्परको ठक्करबाट एक जनाको मृत्यु भएपछि अहिले त्यहाँको अवस्था तनावग्रत भएको छ । स्थिति तनावपूर्ण भएपछि जिल्ला प्रशासन कार्यालय सुर्खेतले कर्फ्यु लगाएको छ ।
प्रदर्शनका क्रममा केहि स्थनियवासी प्रहरीपनि घाइते भएको प्रहरीले बताएको छ । प्रदर्शन उग्र बन्दै गएपछि प्रहरीले हवाई फायर गरेको थियो ।
हवाई फायरले पनि भीड नियन्त्रण नभएपछि कर्फ्यू जारी गरिएको प्रहरीले जनाएको छ । आज साझ साढे छ बजे देखि भोली विहान ६ बजे सम्मका लागि कर्फ्यू आदेश जारी गरिएको छ । आज विहान गौतम चोक नजिकै मंगलबार बिहान टिपरको ठक्करबाट सुर्खेतमा एक जनाको मृत्यु भएको छ। बिहान भे १ ख २२४२ नम्बरको टिपरले भे १ प २१७८ नम्बरको मोटरसाइकललाई ठक्कर दिँदा मोटरसाइकल चालक केशर सिंहको मृत्यु भएको हो।
पश्चिम दिशाबाट पूर्वतर्फ आइरहेका कालिकोटको महावै गाउँपालिका–३ डिल्लीकोटका सिंह सवार मोटरसाइकललाई सोही दिशाबाट आइरहेको टिपरले ठक्कर दिएको हो।
प्रत्यक्षदर्शीका अनुसार टिपरले सिंहलाई किचेर करिब २० मिटरसम्म घिसारेको छ। प्रहरीले टिपर चालक र टिपरलाई नियन्त्रणमा लिएको छ। दुर्घटनापछि वीरेन्द्रनगर तनावग्रस्त बनेको छ। मुख्य सडकको गौतम चोक, यरीचोक र मंगलगढी चोकमा मृतकका आफन्तले टायर बालेर प्रदर्शन गरिरहेका छन्।
प्रतिक्रिया दिनुहोस्