काठमाडौं, १५  पुस । माछापुच्छ्रे गाउँ पालिकाले बेलायतको वोयल्स राज्यको ब्रेकनटाउनबाट आउनु भएका ब्रेकन र धम्पुस टुईनिङ एसोसिएसनका अध्यक्ष डेबिड मारडिथलाई भब्य स्वागत गरेको छ । आज एक कार्यक्रमका विच उहाँको स्वागत गरिएको हो । १ बर्ष अगाडि फेब्रुअरी १० मा ब्रेकन र धम्पुस बीच भगिनी सम्बन्ध गाँसिएको थियो । स्वागत कार्यक्रम माछापुच्छ्रे गाउँ पालिका अध्यक्ष अध्यक्ष कर्ण गुरुङको प्रमुख आतिथ्यतामा तथा वडा अध्यक्ष सम बहादुर गुरुङको अध्यक्षतामा भएको थियो ।
स्वागत कार्यक्रममा मुटुरोगी राजकुमार बिकलाई उपचारका लागि सहयोग स्वरुप १ लाख ४६ हजार धम्पुस टुईनिङ कमिटी कोषाध्यक्ष यदु अधिकारीलाई हस्तान्तरण गरिएको थियो । उक्त रकम परिवारलाई हस्तान्तरण गरिने कोषाध्यक्ष अधिकारीले जानकारी दिनुभयो । सो रकम धम्पुस घर भै बेलायत ब्रेकन बस्दै आउनु भएका खुसिमान गुरुङको विशेष पहलमा व्रेकन धम्पुस एसोसिएसनको सहयोगमा प्राप्त भएको थियो । साथै धम्पुस व्रेकन एसोसिएसनले टुइनिङ दिवस फेब्रुअरी १० लाई बृहत् हेल्थ क्याम्पका साथ भव्य रूपमा मनाउने निर्णय गरेको समाजसेवी सरस्वती दाहाल अधिकारीले जानकारी दिनुभयो । कार्यक्रममा समाजसेवी दल बहादुर गुरूङ बैकुण्ठ भण्डारी सरस्वती अधिकारी बिष्नु बाहादुर क्षेत्री अधिकारी डिल्लीराम भण्डारी राम क्षेत्री पदम गुरुङ लगाएतको उपस्थिति रहेको थियोे ।