बुटवल, १३ पौष
प्रदेश ५ सरकारका उद्योग, पर्यटन, बन तथा बतावरण मन्त्री लिला गिरिले बांके र बर्दियाका जनताको मन जित्न भ्रमण वर्षको उदघाटन बर्दियाबाट गर्न लागिएको बताउनु भएको छ ।
भ्रमण वर्ष २०२० को सन्दर्भमा प्रदेश पर्यटन मन्त्रालयले आज बुटवलमा गरेको पत्रकार सम्मेलनमा बोल्दै मन्त्री गिरिले बांके र बर्दियामा कर्णाली प्रदेशमा गाभ्ने चर्चा चलेका बेला त्यहांका जनताको मन जित्न बर्दियाबाट भ्रमण वर्षको उदघाटन गर्न थालिएको स्पष्ट पार्नुभयो ।
उहांले प्रदेश सरकारले घोषणा गरेको लुम्बिनी भ्रमण वर्ष तालिका अनुसार नै संचालनमा रहेको दाबी गर्दै कानुन नबन्दै भ्रमण वर्षको घोषणा गरिएकाले केहि कमी भएको हुन सक्ने स्विकार गर्नुभयो । संघिय सरकारको भ्रमण वर्षको लागि प्रदेश सरकारले बजेट नछुट्याएको बताउंदै केनद्रबाट २५ लाख प्राप्त भएको मन्त्री गिरिले जानकारी दिनुभयो ।
भ्रमण वर्षको दिन सुरु हुंदा समेत अन्तराष्ट्रिय बिमान स्थलको काम नसकिएको प्रति आफु आश्यर्यमा परेको बताउंदै फेरी ३ महिना म्याद थप्न निबेदन परेको आफुले पत्रिका परेर थाहा पाएको बताउनु भयो ।
संघिय सरकारले घोषणा गरेको भ्रमण वर्ष २०२० को पौष १६ गते बर्दियाको ठाकुरद्धाराबाट प्रदेश नम्बर ५ का मुख्यमन्त्री शंकर पोखरेलले उदघाटन गर्ने कार्यक्रम राखिएको छ । भ्रमण वर्षको उदघाटन नजिक आईरहेका बेला लुम्बिनी भ्रमण वर्ष सुरु भएपछि लुम्बिनीमा भ्रमण गर्न आउने पर्यटक घटेको तथ्यांक सार्वजानीक भएको छ । तर पत्रकार सम्मेलनमा मन्त्री गिरिले पर्यटक घटेको कुरा असत्य भएको बताउनु भएको थियो । प्रदेश सरकारले बर्दियाबाट भ्रमण वर्षको उदघाटन गर्ने बताए पनि बर्दियाबाट प्रदेशको राजधानी पुग्न कम्तीमा ३ वटा गाडी बदल्नुपर्ने अवस्था रहेको छ ।