जनकपुरधाम, ११  पुस । जनकपुरधाममा फेरि अर्को शंकास्पद वस्तु फेला परेको छ । जनकपुरधाम उप–महानगरपालिका १० स्थित सडक छेउमा भेटिएको उक्त शंकास्पद वस्तु बम हुन सक्ने प्रहरीले बताएको छ । जनकपुरको जानकी मन्दिर देखि देवीचोक जाने बाटोमा बिजुलिको पोल नजिकै बोरामा झोला देखेपछि स्थानीयले प्रहरीलाई खबर गरेका छन् । प्रहरीलाई जानकारी भएलगत्तै पुगेको जिल्ला प्रहरी कार्यालय धनुषाको टोलीले सो स्थानलाई नियन्त्रणमा लिइ आवतजावतमा रोक लगाएको छ ।

जानकी मन्दिर देखि देबीचोक जाने धनुषपथमा तत्काल आवत–जावत पूर्ण रुपेण प्रतिबन्ध गरिएको जिल्ला प्रहरी कार्यालय धनुषाले जनाएको छ । बम हुन सक्ने आशंकामा प्रहरी खटाई नेपाली सेनाको डिस्पोज टोलीलाइ जानकारी गराईएको धनुषाका प्रहरी नायव उपरिक्षक रामेश्वर कार्कीले जनाए । यस अघि धनुषाको महेन्द्रनगरमा बम विस्फोट हुँदा प्रहरी निरिक्षक सहित तीन जनाको मृत्यु भएको थियो ।