बुटवल, ९ पौष ।
बुटवल उद्योग बाणिज्य संघको २० औं संस्करण अन्तर्गतको औद्योगिक ब्यापार मेला आजबाट बुटवलमा सुरुभएको छ ।
१५ दिन सम्म सञ्चालन हुने मेलाको आज एक समारोहका बिच पुर्व रक्षामन्त्री तथा नेपाली कांग्रेसका नेता बालकृष्ण खांडले उदघाटन गर्नुभयो । उदघाटन समारोहमा बोल्दै नेता खांडले शक्तिशाली सरकार भएर पनि लगानीको वाताबरण बनाउन नसकेको आरोप लगाउनु भयो ।
उहांले उद्योगि ब्यवसायीहरु लगानी गर्न ईच्छुक हुंदाहुंदैपनि राज्यले वाताबरण बनाउन नसकेको बताउंदै निर्धक्क लगानी गर्ने अवस्था नदिई समृद्दि नआउने बताउनु भयो । नेता खांडले प्रदेशको राजधानी बुटवलबाट अन्यत्र सर्नै नसक्ने बताउंदै सार्ने षडयन्त्र गरिय षडयन्त्र गर्नेले जनताको बिरोध ठेग्न नसक्ने चेतावनी निनुभयो ।
नेपाल उद्योग बाणिज्य महासंघका उपाध्यक्ष चन्द्र ढकालले रानितीक नेतृत्वले समृद्दीको एजेण्डालाई कार्यान्वयनमा जान नसकेको बताउनु भयो ।

कार्यक्रममा अर्को उपाध्यक्ष किशोर कुमार प्रधान, प्रदेशसभा सदस्य भोज प्रसाद श्रेष्ठ, पुष्पा चौधरी, बुटवल उपमहानगरपालिकाका प्रमुख शिवराज सुबेदी लगायतले मेलाको सफलताको शुभकामना दिनुभयो ।
उदघाटन कार्यक्रममा नेपाली सेनाको सराया नाचले बिषेश आकर्षण प्रदान गरेको थियो भने बिभिन्न जाती भाषाका समुहहरुले स्थानीय झांकी प्रदर्शन गरेका थिए ।
मेलामा ५ सय बढी स्टल रहेकाछन् भने ८ लाख दर्शकले अवलोकन गरि १३ करोडको कारोबार हुने आयोजक बुटवल उद्योग बाणिज्यसंघले अपेक्षा गरेको छ ।