काठमाण्डौ, २८ कार्तिक ।
नेकपा एमालेका अध्यक्ष केपी शर्मा ओलीले कांग्रेस राष्ट्रहितको पक्षमा नरहेको आरोप लगाउनु भएको छ ।
अध्यक्ष ओलीले कम्युनिष्टहरुले अधिनायकवादी शासन चलाउंछन भनेर कांग्रेसले जनतामा भ्रम छरिरहेको भन्दै आक्रोश पनि व्यक्त गर्नु भयो । मंगलबार बामपन्थी गठबन्धनका तर्फबाट काठमाडौंको प्रदेश सभा र प्रतिनिधि सभा निर्वाचनका उम्मेदवारहरुको परिचय कार्यक्रममा बोल्दै उहांले कांग्रेसलाई लोकतन्त्रको नाममा अलोकतान्त्रिक गतिविधि नगर्न चेतावनी पनि दिनुभयो । अध्यक्ष ओलीले का“ग्रेस र कांग्रेस नेतृत्वको सरकारले घोषणापत्रमा समेत कूटनीतिक मर्यादामा जोड दिएर भारत सामू निरिहता प्रकट गरिरहेको दावी गर्नु भयो । उहांले कांग्रेसको घोषणा पत्रमा राष्ट्रिय हितका कुनै एजेन्डा उल्लेख नभएको आरोप पनि लगाउनु भयो ।
अध्यक्ष ओलीले बाम गठबन्धन निर्माणपछि देशभर उत्साह छाएको बताउनुभयो । उहांले मुलुकलाई समृद्ध बनाउन बाम गठबन्धन निर्माण गरेकाले जनता खुसी भएको तर्क समेत गर्नु भयो ।
अध्यक्ष ओलीले बाम गठबन्धन मुलुकको हितमा रहेकाले त्यसमा आशंका नगर्न पार्टीका नेता कार्यकर्तालाई पनि सचेत गराउनु भयो ।