नेपालगन्ज, कार्तिक २८ ।प्रधानमन्त्री शेरबहादुर देउवाले प्रदेश र प्रतिनिधिसभा सदस्य निर्वाचनका लागि सुरक्षा व्यवस्था चुस्त बनाउन सुरक्षा अधिकारीहरुलाई निर्देशन दिनुभएको छ ।
साविकको मध्यपश्चिम स्तरीय सुरक्षा भेलालाई मंगलबार नेपालगन्जमा सम्बोधन गर्दै उहाले ४ वटै सुरक्षा निकायलाई निर्वाचनको सुरक्षा व्यवस्था चुस्त दुरुस्त राख्न निर्देशन दिनुभएको हो । प्रधानमन्त्री देउवाले साविकको मध्यपश्चिम विकास क्ष्ँेत्रभित्र पर्ने जिल्लाका सुरक्षा र प्रशासनिक निकायका प्रमुखहरुस“गे शान्ति सुरक्षाको अवस्था र आसन्न निर्वाचनका लागि गरिएको सुरक्षा व्यवस्थाका विषयमा जानकारी लिनुभएको छ । सुरक्षा अधिकारीहरुलाई निर्देशन दिन उहा“ले निर्वाचन भयरहित र शान्तिपूर्णरुपमा सम्पन्न हुने बताउनुभयो ।
सुरक्षा भेलामा गृह मन्त्रालयका सचिव मोहनकृष्ण सापकोटाले निर्वाचनलाई भयरहित र विश्वसनीय बनाउन सुरक्षा निकायका तीन वटै तहलाई संवेदनशील भएर लाग्न आग्रह गर्नुभयो ।
गृह सचिव सापकोटाले सुरक्षा योजना राम्रो बनेको तर कार्यान्वयनमा चुनौति देखिएकाले अझै पनि केही जिल्लामा सानातिना घटना घटिरहेका भन्दै उहाले यसको सुक्ष्मरुपमा छलफल गर्नुपर्ने बताउनुभयो ।