प्रहरीकै मिलेमतोमा विषादी परीक्षणबिनै भित्रिन्छ भारतीय तरकारी र फलफूल



सिरहा,२७ मंसिर । ब्रहरी नाकामा खटिएका प्रहरीकै मिलेमतोमा विषादी परीक्षणबिनै भारतबाट तरकारी नेपाल भित्र्याइँदैछ। पिपराहीमा भण्डारण गर्ने र त्यहाँबाट भारतीय नम्बर मोटरसाइकलमा लोड गरी ईलाका प्रहरी कार्यालय लक्ष्मीपुर पतारी अगाडिबाटै प्रहरीको चेक पोस्ट हुँदै लहान , गोलबजार बजारसम्म ल्याउँछन्।

प्रहरी चेक पोस्ट लक्ष्मीपुर पतारी अगाडिबाट लाइन लगाएर मोटरसाइकलमा प्रहरीको चेकपोस्टसम्म आइपुग्दा प्रहरीले त्यसलाई रोक्नुका साटे उल्टै कति वटा गयो भनेर गन्दै बस्छन्। त्यसपछि कारोबारीले ड्युटीमा खटिएका प्रहरीलाई रकम बाँडछन्। एउटा मोटरसाइकलले कम्तीमा पाँच सयदेखि एक हजार र साइकलले एक सयदेखि दुई सय पचाससम्म रकम बाडने गरेको व्यापारी स्रोतको दाबी छ।

‘भन्सारले विषादी परीक्षणका लागि पत्र लेखिदिए पछि कारोबारी सर्लाहीको मकवानपुर गएर परीक्षण गरेर ल्याउनु पथ्यौं। अनि मात्र भन्सार काटिन्थ्यो’, व्यापारी स्रोतले भन्यो, ‘अहिले त्यसो गर्न छाडिएको छ।

ठूला सवारीसाधनमा तरकारी आउँदैन सफारी,मोटरसाइकलमै ल्याउँछ। विषादी पनि चेकजाँच गर्नु परेर भन्सारलाई तिर्न राजश्व कारोबारीले प्रहरीलाई बाडदा झन्झट पनि भएन।’

तरकारीसँगै भारतबाट आयातित माछा पनि क्वारेन्टाइन चेकजाँच बिना नै भित्रिरहेको छ। नेपाली तथा भारतीय कारोबारीले माछालाई कार्टुनमा हालेर ल्याउनु पर्ने र क्वारेन्टाइन चेकजाँचपछि भन्सार काटेर लैजानुपर्ने हुन्छ। तर, झोलामा राखेर साइकल र सफारीमा भित्राउने माछाको क्वारेन्टाइन र भन्सार दुवै नगरी भित्र्याइरहेको छ। मोटरसाइकल्मा तरकारी प्रहरी चेक पोस्ट अगाडी बाटै लोडगरिएको तरकारी सोजै ब्रहरी हुँदै लक्ष्मीपुर पतारी हुँदै घनगढिबा सम्म पुर्‍याउने दृश्य देख्न सकिन्छ। यसरी भित्राइएको विषादी परीक्षण बिनै फलफूल तथा तरकारी नेपाली उपभोक्ताले खरिद गरी खान बाध्य छन्।

    Comment Here!


सम्बन्धित समाचार

View All