बुटवल, २० मंसिर ।
प्रगतिशील लेखक संघ नेपाल, रुपन्देहीको आयोजनामा बुटवलमा साहित्य महोत्सव तथा पुस्तक प्रदर्शनी शुरु भएको छ । शुक्रबारदेखि शुरु भएको साहित्य पुस्तक प्रदशनीको प्रदेश नम्बर ५ का सामाजिक बिकास मन्त्री सुदर्शन बरालले गर्नुभयो ।
पुस्तक प्रदर्शनी उद्घाटन कार्यक्रममा बोल्दै मन्त्री बरालले प्रगतिबादी साहित्यले राजनीतिक परिवर्तनमा सहयोग गरेको स्मरण गर्नुभयो । उहांले प्रदेश पांचको भूगोलले बहुभाषिक र बहुसांस्कृतिको प्रतिनिधित्व गरेको बताउंदै प्रदेशमा रहेको विविधताको साहित्य, कला र संस्कृतिलाई पूंजीको रुपमा संरक्षण गर्नुपर्ने बताउनुभयो । मुलूकको समृद्विका लागि प्रगतीबादी साहित्यकारहरुसंग सहकार्य गर्न प्रदेश सरकार तयार रहेको मन्त्री बरालको भनाइ छ ।
कार्यक्रममा बोल्दै प्रगतिशील लेखक संघ, नेपालका केन्द्रिय अध्यक्ष जीवेन्द्रदेव गिरीले राजनीतिक परिवर्तनसंगै समाजलाई सांस्कृतिक रुपमा रुपान्तररण गर्न आवश्यक रहेको बताउनुभयो ।
उहांले परिवर्तनको क्षेत्रमा प्रगतिशील लेखक संघको भूमिका महत्वपूर्ण रहदै आएको उल्लेख गर्दै साहित्यको भूमिकालाई अभियानको रुपमा अगाडी बढाउनुपर्नेमा जोड दिनुभयो ।
पुस्तक प्रदर्शनीको पहिलो दिन संस्कृति र साहित्यवीचको अन्तरसम्बन्ध विषयमा घनश्याम कोइराला, साहित्यमा जनस्वास्थ्य डाक्टर राजेन्द्र खनाल, पठन संस्कृतिको विषयमा वरिष्ठ आख्यान्नकार जंगबहादुर शाहले बिषयगत अवधारणा प्रस्तुत गर्नुभएको थियो ।
आयोजक संस्थाका सचिव श्यामलाल पोखरेलका अनुसार पुस्तक प्रदर्शनीको पहिलो दिन करिव ३ हजार जनाले अवलोकन गरेको र ९० हजारको पुस्तकहरु विक्री भएको छ । पुस्तक प्रदर्शनीमा पाठ्यक्रमका पुस्तकहरु राखिएको छैन । पठन संस्कृति हराउंदै कमजोर हुंदै गएकाले नयां पुस्तामा पठन संस्कृतिको विकास गराउने उद्वेश्यले साहित्य महोत्सव संगै पुस्तक प्रदर्शनी आयोजना गरिएको प्रलेस रुपन्देहीका सचिव पोखरेलले बताउनुभयो ।
पुस्तक प्रदर्शनीमा यस क्षेत्रका लेखक तथा साहित्यकारहरुको सहभागिता रहेको छ । यस क्षेत्रको साहित्य, कला, संस्कृति र संङगीतको वर्तमान र भविश्यबारे छलफल गरिने छ ।
साहित्य महोत्सव तथा पुस्तक प्रदर्शनीमा दशहजार दर्शकले अवलोकन गर्ने र करिव ५ लाखको पुस्तकहरु विक्री हुने आयोजकहरुले अपेक्षा गरेका छन् ।
प्रतिक्रिया दिनुहोस्