काठमाडौं, १४ मंसिर । उपचुनावमा मतदान जारी दिउँसो १ बजेसम्म ५३ प्रतिशत मत खसेको निर्वाचन आयोगका प्रवक्ता राजकुमार श्रेष्ठले जानकारी दिनुभयो । प्रतिनिधिसभा, प्रदेशसभा र स्थानीय तहका ५२ पदका लागि भएको उपचुनाव प्रतिनिधिसभाको एक मात्र क्षेत्र कास्की २ मा ४५ प्रतिशत मत खसेको भने एउटा मात्रै उपमहानगरपालिका धरानमा २ बजेसम्म ४५ प्रतिशत मत मात्रै खसेको छ ।

प्रवक्ता श्रेष्ठले जानकारी दिनुभयो । केही ठाउँमा बम विस्फोट भएतापनि दिउँसोसम्म शान्तिपूर्ण रुपमा मतदान भइरहेको निर्वाचन आयोगले जनाएको छ । आज शनिबार प्रतिनिधि सभाको कास्की क्षेत्र नं २, प्रदेशसभातर्फ बागलुङ २ ख, भक्तपुर १ क र दाङमा ३ ख मा मतदान भइरहेके छ ।धरान उपमहानगरपालिका, मकालु, पिपरा, फाल्गुनन्द गाउँपालिकामा प्रमुख, खार्पुनाथ गाउँपालिकामा उपप्रमुख र ४३ वडाध्यक्षका लागि मतदान जारी रहेको छ ।

यस्तै, आज मात्रै कास्कीका बिभिन्न ४ वटा मतदान स्थलमा फरकफरक समयमा बम विस्फोट भएको थियो भने डोटीमा पनि बम भेटिएको थियो । यस बाहेक झडप र अन्य कुनै घटना नभएको निर्वाचन आयोगले जनाएको छ ।