अर्घाखाँची, १४ मंसिर । अर्घाखाँची जिल्लाको मालारानी गाउँपालिका वडा नं. ३ को वडा अध्यक्ष पदका लागी भएको निर्वाचन शान्तीपुर्ण रुपमा मतदान भईरहेको छ। पछिल्लो १२ बजेर ५५ मिनेटको जानकारी अनुसार ४ मतदान केन्द्रमा १७ सय ४७ मत खसेको छ । ३ हजार ११ मतदाता रहेको मालारानी ३ खनदहमा विहान ७ बजेबाट मतदान सुरु भएको हो ।

निर्वाचनको लागि ४ मतदान केन्द्र र २ स्थल तोकिएको मुख्य निर्वाचनको कार्यालय गुल्मीले जनाएको छ । जसको लागि ४ जना मतदान अधिकृत र अन्य सहयोगी १२ जना मतदान स्थलमा खटिएका छन् । आदर्श मावि खनदह र सुन्दरा आधारभुत विद्यालयमा मतदान भईरहेको छ । मतदाताले बेलुकी ५ बजेसम्म मतदान गर्न पाउने छन् । मतदान पश्चात मतपेटीका मुख्य निर्वाचन अधिकृतको कार्यालय खनदहमै संकलन गरेर शनिबार बेलुकीबाटै मतगणना हुने जिल्ला निर्वाचन कार्यालय अर्घाखाँची जनाएको छ ।

निर्वाचनको सुरक्षा व्यवस्था कडा पारिएको छ । प्रमुख जिल्ला अधिकारी विजयराज पौडेलका अनुसार मतदान स्थलको सुरक्षाको लागि नेपाल प्रहरी १७६ जना, शसस्त्र प्रहरी ११५ र नेपाली सेना २९ जना खटिएका छन् । यहाँ निर्वाचन शाान्तपुर्ण रुपमा भईरहेको छ । निर्वाचनका लागी काँग्रेसबाट शोभाखर खनाल, नेकपाबाट यमलाल खनाल र राप्रपाबाट रणबहादुर खनाल उम्मेदवार रहेका छन् । तत्कालीन वडा अध्यक्ष जिवनकुमार चौहानको मोटरसाईकल दुर्घटना परी मृत्यु भएपछि उपनिर्वाचन हुन लागेको हो ।