काठमाण्डौं, २४ कार्तिक । वैदेशिक रोजगारीका लागि जाने युवालाई लक्षित गरेर सरकारले यस वर्ष पनि एक महिने नि-शुल्क सीपमुलक तालिम दिने तयारी गरेको छ । वैदेशिक रोजगारीमा जाने १० हजार युवालाई लक्ष्यित गरी वैदेशिक रोजगार प्रवद्र्धन बोर्डले १३ किसिमका नि-शुल्क सीपमुलक तालिम दिने भएको हो ।

बोर्डले निर्माण, होटल, सेक्युरिटी लगायतका विधाका तालिमहरु सञ्चालन गर्न लागेको हो । त्यसैगरी निर्माण तर्फ युवालाई सहयक इलेक्ट्रिसियन, प्लम्बर, मेशन, स्टिल फिक्चर, सटरिङ कार्पेन्टर, स्काफोल्डिङ, हाउस वायरिङको र होटलतर्फ कुक, वेटररवेट्रेस, हाउस किपिङ, कफी मेकरको तालिम दिइनेछ । इच्छुक युवाले टेलरिङ र सेक्युरिटी गार्डको तालिमको पनि पनि अवसर पाउने छन् ।

बोर्डले तालिम सञ्चालन गर्न आशयपत्र माग गरेर तालिम प्रदायक संस्था छनोट अघि बढाएको छ । केही विशेष तालिम लिन चाहने युवालाई निःशुल्क आवासीय सुविधाको पनि व्यवस्था गरिएको छ । झण्ण्डै १५ सय युवालाई खाने बस्ने सुविधासहितको तालिम दिने बोर्डको योजना छ ।

अघिल्लो आर्थिक वर्ष ०७३र०७४ मा पनि बोर्डले १० हजारलाई तालिम प्रदान गरको जनाएको छ ।