चिली,९ मंसिर । चिलीमा जारी हिंसात्मक प्रदर्शनका कारण मृत्यु हुनेको संख्या २३ पुगेको छ ।

चिलीमा पा“च सातादेखि सरकारविरोधी प्रदर्शन सुरु भएको हो । प्रदर्शनका कारण देशको अवस्था दिनप्रति दिन बिग्रदै गएको छ भने विभिन्न सहरमा लुटपाटसमेत भएका खबर बाहिरिएका छन् । चिलीका प्रदर्शनकारीले गत अक्टोबर १८ देखि सामाजिक र आर्थिक असमानताको विरोध गर्दै राजधानी सान्टियागोसहित विभिन्न सहरमा सरकारविरोधी प्रदर्शन गरिरहेका छन् । दक्षिण अमेरिकी देश चिलीमा लोकतन्त्र स्थापनाको तीन दशकमा भएका संकटमा यो सबैभन्दा खराब समय भएको र यस आन्दोलनको क्रममा हालसम्म २३ व्यक्तिको मृत्यु भएको बताइएको छ ।

पछिल्लो सरकारविरोधी प्रदर्शनका क्रममा कम्तीमा दुई हजार व्यक्ति घाइते भएका छन् । चिलीमा जारी हिसात्मक प्रदर्शनका क्रममा पछिल्लो पटक एक १३ वर्षीय किशोरको समेत मृत्यु भएको गृहमन्त्रालयका एक अधिकारीले जानकारी दिएका छन् । प्रदर्शनकारीहरु गत शुक्रबारदेखि अझै आक्रामकरुपमा प्रदर्शनमा उत्रिएको बताइएको छ ।